WWW.TUNGZANGNEWS.COM

 
A. Kalay University Siamsin te omna ding kilam thak

Zomi siamsin te ahi Hakha, Falam, Tedim, Rih Khuadar, Kalay Tamu , Kalaywa om te siamsin na Kalay University ah Sangnau pangte om nading in inn dawl thumsang te kibeh lap thak ahihi. Tua innte ( 192x38x36) tui leh mei akim om Kyats 1969.90 Million bei in innpi dawl thumsang inn thum kilam khin zo ahihi. Lukhu nelkai kipiak inn pi zong Kyats 1625 Million bei in lam khin zo ta ahihi. Thu guicing ( Thesis) gelhna ding innpi 200X40 dawlnih zong Kyats 425 Million bei lam khin zo ahihi. Siamsin te kimawl nading Huih leh Guah tuak khalo kimawl theihna inn (90x120x31) Kyats 180 Million bei in kilamzo ahihi cih U Muang Too in gen khia zo ahihi.

B. Samsung Galaxy S5 Febuary 24 melthak kilah na om ding

Hong tungding Febuary kha 24 ciang in Samsung Galaxy S5 melthak kilahna om ding cih leitung thuthang ah kigen khia zo ahihi. Alamdan na atuam diak in SG S5 pen khut pi lah kiau tawh kihong ding ahihi. Mek kullo cihna ahihi. Swipe nabawl sim in na khutpi leh nakhut me tawh kihong thei den ding ahihi. iPhone leh Home Button ah khutpi mek na leh ၊ HTC One Max te tawh kibanglo ahihi. Samsung Galaxy S5 pen Alluminiuam tawh kibawl hi a,Hongtungding 24 niciang in Mobile World Congress in melthak lah na nei ding ahihi.

C. Phalna omlo Malaysia nasemte Myanmar diktak ahih teh panpihna omding

Malaysia gamsung ah phalna omlo leh hunkhengval gilgap nasem te Myanmar diktaktak ahihna dung zui in panpihna om ding ahihi cihi. Tua thu in Innkuanlai leh Kawlgam IC lah theih kisam ahihi cihi. Athu khempeuh tawh kipawl in Datuk Alias Ahmad in BERNAMA thuthang ah gen khia zo ahihi. Tu ciangciang mimal 15000 kisit in 3000 val in mat thuak zo hihi cihi.

D. Iraq ah bomb puak mi 27 si

Iraq gam khuapi mun thupi na mun khat ah' Bomb phuak kham leuleu in mi 27 in sih lawh uh ahihi. Aliam abai pen mimal 40 pha zo ahihi cihi. Bomb pen Green zone kimteng pan in phuak khamh ahihi cihi.

E. Zogam sung ah Siyin kual pen zingsai taima pen

Zogam sung ah lokho tawh ki nungta tek hi a, Siyin kual pen zingsang daak 4 sat in zing tho ta uh a, khuavak hun in lolai ah nasep kipan zo ahihi. Tualo muntuamtuam om te Zing lam daak 10 in lolam pai pan in lamkal ah khawl lailai ahih man in nasep hun tawm mahmah ahihi cihi. Sunhun daak 12 kim ah an ne nuam lai ahih man in nasep hun tawm lua ahih man in kumsim in an kikhawm/cing ngei lo Zomi kitam mahmah ahihi cih kiim leh paam khuasak zia en diktel te in gen khia hi.

Hau Thang

 


Comments




Leave a Reply