WWW.TUNGZANGNEWS.COM

 
A. Satanic upna pawlpi pan mi 22 that nu kiman.

Kum 19 apha pan Miranda Barbour kici min nei USA nu in online pan Mr Troy LaFerrara ki ci min nei khat tawh ompih ding asappiak ding nakisam a, amah zong vapai hi. Mr Troy LaFerrara tawh omkhawm khit teh Mr Troy La Ferrara temtawh mun 20 dawt in si ahihi. Mrs Miranda Barbour pen Pennsylvania State sung ah om ahihi. Kiman khin zo hi a, thudong ten mibangzah nathat khin hiam acih leh 22 pha ci ziau ahihi cihi. Tu in gilbem om ding thu khenna ngak in om ta ahihi.

B. Rakhine gam ah Kamaan minam te zong Nampi in din sawm.

Rakhine gamsung ah om Kamaan minam teng zong namke mawkmawk ding in ut sawm lo uh a, Taiyintaa , (Kamaan taiyinta) cih ding in min kaih khopna nei ta uh ahihi. Tua man in Kamaan minam makai te sung pan kumpi Tein Sein tung ah 14 Feb 2014 ni in ngetna laipia zo ahihi cihi.

C. Britain galkap numei 200 val naugil nei.

Afganistan gam ah gamkuan Britain galkap 202 in nau gilnei uh ahih man in Patau daak sat in naugilnei galkap numei teng Britain gam ah puak uh ahihi cihi. Naugil nei te lak ah mikang minam 99 leh Iraq minam 102 kihel ahihi cih dailymail pan phuang khia hi.

D. Yangon ah Buhtang mankhang.

Khal an hong tun kik masiahsiah Yangon ah buhtang man khang ding ahihi cih buhtangzuak tawh khuasa sum zong ten gen khia ahihi. Tulaitak lian in buhtang pyi khat kyats300' 10% bang man kahta ahihi cihi. Buhtang lakna mun te ah buhtang te lokho te'n zuak nawn lo in khingdai pian ahihman in buhtang lomlak te in antang man akhan sak ahihi cih mipi tungpan kithei khia ahihi.

E. Mandaly ah siahpia mimal 44892 bek pha.

Kawlgam sung ah sumbawl na amanlang suah leh tumh kizopna khuapi Mandaly ah mimal Sang 60 val om na sumbawl te sung pan kumpi tung ah Siahpia sumbawl mimal 44892 bek kipha ahihi cih Mandaly region Mangputal U Yeemin in Siahpiakvai thugen na Febuary 14 in gen khia ahihi.

F. Mr . Ojea Quintana leh KIA makai pi te kimuhna nei.

Febbuary 13 pan 19 ni dong Kawlgam sung ah thu tuamtuam a hong kan ding UN palai Mr Ojea Quitana Zanni Feb 16 in Kachin khuapi Myitina va zin a, Kachin gamuk makai pite tawh mu thei ahihi. Tua khit KIA phualpi Laiza khuapi ah KIA makai teng tawh kimuh na leh holimna neih uh ahihi. Gam thu vai in kilemna masuan aneih laitak ahih na thu KIA lampan in gen khia ahihi cih thuthang te ah gelh khia hi.

Hau Thang

 


Comments




Leave a Reply