WWW.TUNGZANGNEWS.COM

 
Thutak hilo, cimphawng,
Kawlgam ong ciah vua, khuahun nuam mahmah!
Tua tuikhal kawm khawng, vuklak khawng sang nuamzaw. A khuadam iplah nahih uhleh Thangmual dung khawng zong awng pekpak laihi.
Zogam ah, Khasum zong kikham, i neek khempeuh organic, tampipi na piakte uh.
Sa: Sialsa, Zovoksa, Zo-aksa
Anteh theipuam: tu leh tu aa kilo


Ci: Zoci, cipei,
Asawtnawnlo aa ei leitang ah e'n thunei ding hilai.
Ong ciah un. Na vekvua tuikhal nasuahma un ong ciah un.
Leitung ah tuikhal lom omna akilaih kawikawi hi aa, US gam aa kilaih nuam hikha dinghi.
Zan khat thu khawng in leilu lam aa tuikhal teng ong kituahleh, kihem manlo ding hi uhteh.
Zogam ah a pillo kideih nawnlo ahihman in ahai pianlaite bel na omsuak unla, apil khangno teng ong ciahsak un.
hkl


Dear,Sia Lian leh it mipih teng

Tu laitak US gam sunga om namipih nasapih teng ding lung hihmawhna/patauhna tawh thu leh la hiteng nong-at manin,US aom ih mipih
teng taangin lungdam hongko ingh.Na genna sunga ih Zogam leitangah antek sawlbawk/nektheih dawn thei singgah suanggah kici khem
peuh oganic(Tabawah Myay-awzar)sitset ahihnate leh alim a-aldan bel gen navet om kei mah sa ingh.

A hih hang ih theih ciatsa mah bangin,tua khuadamte adozo leh aki phawk khalo dingin,US Kumpite lungsim picing leh hoih ngiat ahih
manin,hizahtak khuahun avot hunin alum,alum hunin avot mikim azawng ahau deidan cih omloin,akoih zouh cih gen thamlo,Kawlgam mi
phazah dek phial mangpi khat ahi 48Million bang Foodstamp kici,duh leh deih ih leinopnop lei theih nading innkuan mimal leh income tawh
kizui-in innkuan mi 7leh atungsiah bang khakhat ading(USD-More than1,000) bang akhawn khong hong piak banah,kumsim lawm te'n US
ihmite tuktun hun ci'a Tax Return ata neih dan tawh kizui leh a kumkhat a(Income)tawh kizui leuleu in atam ngah pian te'n USD10,000 val
bang kumpi'n Tax File sak zel ahi hi.

Pianna ihgam lei aw phal sing ei!Ih cih a ih neu pianna ih Zogam lei bel kiphawk,kingai keei sam ciat ding hina pi'n 1962 kum'a kipan tuni
hun Kawlgam gen thadah ih Zogam leitangah kum52 sung honguk ih Kumpi te'n ei Zogam leitanga ih Zomi te tungah(Pah-Pah-Kah)hun leh
tua nung sang(Tamahwazamah)pan Antang pikhat leh sathau(Sar-ohnsi)tawikhat akhawn khonga kumpi'n apiak cih ih zangei hiam?

Ih gam ih lei sungah ih nungah te zi aa aneizo leh Kawl biakna alutpihzo Kawl galkapte (Promotion)pia ding cih ih Zogam khuapi Tedim khua
sukham leh toknok dinga agel den Dawi Mangpa nungzuite'n tuni ciang dong atunga nagen ih Zogam nuam pen ki-ipla pipi in kinusia in LST
tawh Consititution asuai ngiat van thupha ,lei thupha hong puak ngei uh ahi American gam ih Sangmang(Missionary)teng tenna vantung malep
gamah Ih biak Topa mah in ei Zomite taanglai (Chosen people) Isarel te lian ngeingei bangin hong puakna gam bawngnawi leh khuaizu aluan
takpina gamah ih mipihte hong puak nagam hi kaci nuam phial hi.

Khapsa gam US gam pan ih Zogam leitang leh ih khua ih tuite banah ih Zogam khuapi lian pen a ih neih Tedim khuapi pen ihpuah ihzun ding
uh kisam mahmah zaw ahih manin,US gam sang tu laitak ih Zogam khua hun leh ih pianna ih gam ih lei phawklua kisain sunmang zalmangin
ihman keei tazongin Pure Democracy,Solid Democracy ih ngah mateng leh ih Zogam State buppi ah University,College cihte khat bek ih ngah
matengin Leitung langkhat tuipi gal pan ciahlo keei leh hanciam in ih gam ih lei zun sawm ciat zaw leng ih Zogam tul pankaai dekdek napan
hong paallun baih zaw kha tam nacici ingh.

Kawl Kumpi te mai-et in Zogam Highway khawng lamen leng va-ak kha akan hun hong tun dong ngahkul kha ding ahih man Sia Lian Zogam
hoih nathu genpha keei-in khuahun siatna mun'a om na mipihte Kawlgam ciah dingin hong zol baih lua liang le teh,hong kiciah baih khalua a
ih minam bup supna khua tung thei kha ding hi cih kei nanau pa muhna kong kuppih kawmin Zogam ading thu hong ngetsak ingh.

Kham Khan Suan(Artist Kyaw Kyaw Oo)

 


Comments




Leave a Reply