WWW.TUNGZANGNEWS.COM

 
Picture
Tulaai Leitung Thuthang Tuamtuam Updates Feb 18,2014

·      Kawlgam ai-awh UN Mihing ngahding hamphatna humbit  Palaaipi Mr Tomas Ojae Quintana Kawlgam sung muntuamtuam a zinkhit ciang Feb 18,2014 ni in Nypidaw ah Kawlgam kumpi zalian phawlkhat tawh akimuh ban ah Daw Aung San Suu Kyi tawh kongkhak kikalh khup in nai 4 kiho uhhi. Mr Quintana tutung kawlgam azinna peen kum 6 sung kawlgam tawh kisai anasepna ah atawpna khulzinna zong hi a zing Feb 19 niciang Yangon Vanleeng tualpi ah thukantetawh kimuhkhopna neiding a tutung kawlgam pan akaihkhop thukheempeuh March 17 niciang Geneva UN khawmpi ah vapuak ding hi.

·      Thailand gam Kumpi langpang Democratic party te in Bangkok khuapi sung aom Prime Minister zumpi teng khakcip in lungphona nei uha, Palik te in kiheem un ci in asawlsawl kawmkaal Feb 18,2014 ni in Lungphona anei mipite lak ah pawlkhat in M-16 thau tetawh palik te nakaap uh a langnih kikap huan uh ahihman in mi 3 leh Palik khat  si in mi 60 liam uhhi.

·      Ukraine gam ikhuapi Kiev khuapi sung a om Parliament innpi Ukraine kumpi deihlo lungpohna nei mipi te  in nasiatak in sungtumtawh sim in uh ahihman in palikte tawhbuaina kikaap Feb 18,2014 ni in piang ahihman in mi 7 si in 100 in liamna ngah uhhi. 

·      North Korea gam te in mipi tetung ah lipkhap huaitak in gamta uha, adiak in North Korea gampan ataaikhia te China gamte in North Korea gam puakkik ahihman in kilawm lopi a thongkhiatna, Buanna leh thahna te mi tampi in thuak hi ci in UN te in Feb 17,2014 ni in taangkokhia uhhi. China ten bel Feb 18,2014 ni In hihthu mankilkel kei in Leitungbup thukhenzum atunloh nang kadaal ding uhhi ci in taangkokik uhhi.

·      Indonesia gam Bali tuikulh kiang pan tai 12 na tuipi sung ah Tuisung luutna sethawl Japan gami 7 te Feb 14,2014 ni in khuahun siatna hang in tuisung ah mang uha, miluang 5 Feb 17,2014 ni in kimu in luangkhat Feb 18,2014 ni in kimukik in luangkhat mangthang laai hi.

·      2007 kum in gambup thukhun pi leh gambup ki ukzia abingkhawl sakna hang in thukibawl Pakistan Gaalkaap maangpi lui Pervez Musharraf Innphualzaang kikalhkhum napan thukhen zum ah micingtampi taktawh Feb 18,2014 ni in minutes 20 sung ongkah ah thukhenna kician neilo in kiciah sakkik hi. Thu khenzum pi akahding sial in lampi ah bomb nakisiah pahpah ahihman leh damlohna hang in zum kahman ngei lo zong ahihi.

·      Iraq gam Baghdad khuapi sung ah migilo te in Feb 18,2014 ni  in mawtaw sung ah bomb siah in puakkham sak uh ahihman in mi 49 si in tamkhopkhat liam a inn le lo tampi sia hi ci in AP thukizaakna in pulaakkhia hi. HIh Iraq gam a biakna khat le khat buaina hang in nungkha sung bekbek in mi 1,000 si cizen hi.

·      Leitung gamtha haat gam 6 ahi US,Russia,French,China,UK , Germany leh Iran te nithum sung Iran Nuclear vaai kikupkhopna Vienna khuapi ah Feb 18,2014 ni  in kipan ta uhhi. Gamtha haat gam 6 ten Iran Nuclear vaai nakhawl uhleh sum le paai vaai hita leh kigawtna kheempeuh lakhia nung ci uha, Iran te leuleu in ahihleh Nuclear peen meitha dingbek a kazat uh hi in nonggawtna teng uh na laakkhiat uhleh kamciam kongpiading ci in kikang geigai se uhhi.

·      Eygpt gam Sinai dungteng ah migilo te in Khualzin mite Bus Feb 16,2014 ni in Bomb tawh puakkhamsak uh a, Feb 18 ,2014 ni n hih migilo kipawlna ahi  Ansar Beit  Al- Maqdis te in khuazin mikheempeuh Egypt gampan kiheemkhia ding in thupia uhhi.  Ahizong in Egypt kumpi te in hihthu hang in ahithei zah in haanciam in ihmulo liang in miglote kabeng ding uhhi ci in genkhia kik uhhi.

·      Khalkha khuapi sung ah ongtungding March khan sung ah CB Bank te in Branch thakkhat hongding hi ci in Feb 18,2014 ni in taangkokhia uhhi. Khalkha khuapi sung ah amasa peen Private Bank zong hipah ban ah hih CB Bank te in kawlgam sung bekbek ah Branch leh ATM mun 70 vaal ah neikhin ta cih pulaak beh uhhi.

·      Ethiopia gam pan Italy gam Rome khuapi tuding a leeng khualzin mi 202  apua Boeing 767  Vaanleeng khat  Feb 17,2014 ni in ahawlpa zunbuuk sung aluut laaitak  kum 30 apha ahawlhuhpan in apuapan tawhkalhkhum in Vanleeng ama utnalam ah nahawl a, Feb 17,2014 nimah in Switzerland  gam Geneva khuapi vaanleeng tual bittak in bawhpih a, Swiss thunei te in nadawn tuahpah in Vanleeng hawlhuhpa amah le amah angawng ah khau thuahsa in kei peen Ethiopia gam Tuipi tung migilo makaai kahi ngei a, kagam uh ah thukhen thuakding kahihman Swiss ah buktheihna ongngn hing ci hi. Swiss ulian ten manphot uha, Feb 18,2014 ni in koi ci mawhmat ding cih nasia tak in kikum uhhi.

Zomto zelni ee

Khialhna aom khaak aleh ngaihdambawm ah maw

Thang Khawm Pau Zomi

Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply