WWW.TUNGZANGNEWS.COM

 
Picture
Tulaai Leitung Thuthang Tuamtuam Updates Feb 21,2014

·      A (66) cinna Zomi Nampi Bowling Green Kentucky,USA gam ah Kentucky state sung a om Zomi kheempeuh leh Bowling Green pan naikhat kipai na Zomi Khuapi khat mah ahi Music City pan Zomi ahithei zahzah tawh Feb 22,2014 ni in nopcitak in kibawl ding in Zinmangpi ding in Rev Pau Khan Khai kisam hi.

·      Kawlgam Mualtungmi thautawi pawl leh kawlgam kumpi te kawlgambup kilemna suaikaih theihnading in March kha kaalmasa sung ah Yangon khuapi ah thukikup kholhna neiding in kumpi lamte in Mualtungmi thautawi te sam hi ci in Mualtung thautawi makaaikhat ahi U Khon Oh Ka in Feb 21,2014 ni in genkhia hi.

·      Kum 75 asawtkhin 1300 kumcin gaaldonapawi phawkna Mandalay khuapi ah feb 22,2014 ni in nasiatak in kibawl a, hih hunlaai a Mandalay mi gaalhaang 17 te zahtaakpiakna leh mualsung phuhsakna zong nei uhhi.

·      Tibet phunzi minthang mahmah Dalai lama leh President Obama te Innkaangpi ah Feb 22,2014 ni in kimukhawm ding hi ci in Innkaangpi tanute in taangkokhia uha, China te nasiak in President Obama mawhsakna nei himah leh kimu veve uha, bangthu teng kikum cihthu kitaangkokhia naailo hi.

·      China gam kumpi te in amah le amah akithat Tibet minam aom aleh gawtna piaknading tawh kisai thukhunthak khat Feb21,2014 ni in taangkokhia uh a, tua sung ah Tibet mikhat amah le amah akithah aleh abeh aphung kheempeuh leh abiakna biak inn ten mawhna thukhenna thuakding cihthu kihel hi.

·      Ongtungding 2014 World Cup sung Brazil gamsung ah mipi veengding in palik 70,000 khuapi 12 ah sahtak in kikoihding a, akisap leh gaalkaaptha zong zang in 170,000 dong kizangding hi ci in President Dilma Rousseff in Feb 19,2014 ni in taangko a hitawh kizawitawn in Feb 20,2014 ni in Navy 30,000 te in nasia tak in thalaakna nei uhhi.

·      Venezuela gam ah kumpi langpang lungphona hang in mi 3 sikhin a lungphona haat seemseem ahihman in hihbang lungphona ahaatsak US te hi ci in US palaaite ahawlkhiat baan uh ah US Thuthang Pawlpi liankhat ahi CNN te agampan hawlkhiat ding in President Nicolas Maduro in Feb 21,2014 in thupia hi.

·      Somalia gam I President Innpi migilo te in Feb 21,2014 ni in mawtaw tawh luut in amaipan bomb tawh apuahkhap sakban uh ah thautawh kaapgawp uh a, kumpi naseem mithum amun ah sipah in President pa ahihleh anuntakna bangmah cilo adip in pukpuk ci hi.

·      England leh Wale gam Roman Catholic pawlpi Ukpi Vincent Nichols Pope Francis in ateelthak Cardinal  19 te lak ah khat in kihelding a, Feb 22,2014 niin Rome khuapi ah Cardinal suahna pawipi ah ki-apna nei ding hi.

·      England gammi tukpeeng kimawl siam mahmah Wayne Rooney kum 5 leh alangsung kaalkhat thaman £300,000 tawh kimawlding in Feb22,2014 ni in thukimna suaikaai thakkik ta hi.

·      South Korea gamte in Norht Korea gamte I Nuclear bawlna munpi te sukmaai theihnading in Stuxnet-Like Cyberweapon  kici computer vantawh gaaldonalam kipanding in  Defense Ministry te in kumpi Feb 19,2014 ni in kinaakpat sawm mahmah ci in Yonhap News Agency te pulaakkhia uhhi. Computer siamte in agen uhciang hih Stuxnet-Like Cyberweapon peen naak lau huai khia mahmah ci in gen uhhi.

·      Tunisia gam sung ah Libya gamte gaalkaap vanleeng khat Feb21,2014 ni in kia a mi 11 si hi. Hih misi te lak ah nidang Islamist gaalkaap lui Libya kumpi kiang ah aluutkik Meftah Daouadi zong zatokahding apai si ci hi.

Khialhna aomkhaak aleh ngaihdam bawm ah maw


Thang Khawm Pau Zomi 


-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply