WWW.TUNGZANGNEWS.COM

 

Tulaai Leitung Thuthang Tuamtuam Updates Feb 6,2014

· Kawlgam sung Mualtung mi thautawi pawl leh kawlgam kumpi kilemna bawlpawl February khasung kimu khawmding ci in geelna aneihsa uh hina pi in lemlohna hang in March kha sung ah kikhin to hi ci in Kawlgam kilemna bawlpawl in taangkokhia uhhi.

· Ongtung ding February 20,2014 niciang Chin State Mindat khuapi ah Chin National Day nasia tak in CNF leh kumpi lam kipawl in bawlding uha, Mizoram State Chief Minister , Myanmar President leh gamsung gampua a NGO tuamtuam te samding in khensatna nei uhhi.

· Zomi sung a namkee khat ahi Zo te in Zomi sung ah kakihel nuamkei uhhi ci in Kawlgam President tung ah kagending uhhi. Ci in Yangon khuapi a Zo khat le nih te in Thukan pawlkhat tung ah agenna thu uh Media gian meello pawlkhat ah suaksak uhhi. Ahizong in India gam, Kawlpi,Tamu,Khampat leh Tonzang Township te ah 2014 Census ciang Zomi ah kigawm khopding thu UZO makaaite leh GZA,ZCD,ZYA,Siamsin te vaakkawikawi uhhi.

· Feb 5,2014 zanlam nai 11:20 pawl in Rakhiang minam makaai leh party makaai khat ahi Dr Aye Maung tuanna mawtaw Malaysia gam ah ngavei kikaap in ami bangmah cilo sam hi ci in Rakhaing makaai tein gen uhhi. Dr Aye Maung leh alawmte mi 6 Malaysia gam a om ARRC te sapana tawh Jan 28 nipan Malaysia gam sung atung uh ahihi.

· Kumtampi tak akibuaibuai Pakistan gam kumpi te leh Pakistan gam a kiphual Taliban migilo pawl amasapeen kimuh khopna Feb 6,2014 ni in Islamabad khuapi kiukhat ah neithei uh ci in Pakistan kumpi lam thuthang te in genkhia uhhi.

· USA gam apang toteng ah Feb 6,2014 ni in Ice Strom tuikhal pingpei nasiatak in piang kawikawi ahihman in Philadelphia kiim ah mipi 450,000 leh Maryland state ah mipi 70,000 bang in meingah lo uhhi ci in Meilam thunei te in taangkokhia uhhi.

· Brazil gam I State-owed Bank Director asem lui Henrique Pizzolato gampua ah abupcipna pan Feb 6,2014 ni in Italy gam ah Italy thunei te in makhia uhhi. Amah peen bank ah anasepna ah golhguukneeksim vaaitawh kum 12 sung thongkia ding in thukhenna athuak khat ahihi.

· Korea gam sak le khang te 1950 kum pan gaalhaang akikhen thang innkuan te gawmkik nading Feb 5,2014 ni in langnih thukimna ngah hina pi Feb 6,2014 niciang Saklam te in US tawh gaaldo kisin na naneih uhleh khawlkikding ci in khanglam te vau uhhi. Khanglam ten bel Ko kumsim a US tawh gaaldokhop kakisin den uhhi in kikhawl kenteh ci in dawng kik uhhi.

· Italy gam Lampedusa tuitung ah Italy gaalkaap tei n Africa gam saklam pan a gaaltaai peemta gunkuang tuang a cimawh mi 1,100 te Feb 6,2014 ni in avek un honkhia zo uhhi ci in Italy thunei te in taangkokhia uhhi.

· Russia gam Sochi khuapi ah kibawlding Olympic kimawlna ah kimawlding in leitung gamtuamtuam pan kimawlsiamte in feb 6,2014 ni in tungziahzaih ta uhhi. Migilo te in mipi tung agamtat khialdiing kilung himawh mahmah ahihman in security khauh mahmah a, US Department Of Home Land Security te bang in Haza kawm nangawn sitding in Feb 6,2014 ni in thupia uhhi.

Khialhna aom khaak aleh ngaihdam bawm ah maw

Thang Khawm Pau Zomi

-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.com, Thang.pau@perdue.com
www.perdue.com , www.zomipau.wordpress.com

 


Comments




Leave a Reply