WWW.TUNGZANGNEWS.COM

 
Tulaai Leitung Thuthang Tuamtuam Updates Feb 7,2014

· Ongtung ding 2014 Kawlgam milip kisimna Census ciang Zomi ten minam picing khat suahtheih nading in Zomi mah atding mipi tung theihsakna Campaign Zomi sung a kipawlna lian a hi GZA,ZRDP,ZYA,TYF,TA<UZO <SIAMSIN te leh ZCD party te kawlzaang kuamteng ah vaakkawikawi laaitak uh ahihi. Zomi te Pasian in thupha ongpia a nidang a kimu zong akimu ngam pakpak lo Pasian naseemte leh politics naseemte, Development naseemte sikhat sakhat bang in naseemkhawm in ma ongpang khawmta uh ahihman in I Pasian Zomi te tung ah nui hi. Tua ahihman in Zomi te kimazang tading cih kimukhol thei hi. Na khat peuhpeuh imanzan ding ciang alang ah Satan nakisaan mahmah thei ahihman in thungetna tawh kha gaaldo ding hihang .

· Khan gam Mansi Township Kawngluai khua sung ah Kachin gaalkaap KIO tatmaha 2 nuai a Tatyin 12 te leh kawlgam gaalkaap te Feb 6,2014 zingsang nia 8 pan sun naikhat dong kikaap uh akhuasung ah thaupi tang tu ahihman in inn 3 kaangtum in numei khat nasia tak in liam hi. Feb 7,2014 nizong banghun in kikap kipan kikding kithei naailo himah leh kikap kikding kilam en hi.

· Kawlgam President U Thein Sein sapna tawh kizui in Germany President Joachim Gauck Feb 9-12 ni dong kawlgam ah ataamding leh vaaituamtuam te hawmding in ongtungding hi ci in kawlgam President zumte in taangkokhia uhhi.

· A 22 veina Olympic pawipi Russia gam Sochi khuapi ah Feb 7,2014 ni in nuamtak leh thupi tak in honpawi bawlthei uha lam etna ah migilo te onghiam tatkha ding ci in mi tampi lung himawh himah leh Russia te security kician mahmah uh ahihman in bangmah buaina omnailo suak hi.

· Philippine gam khuapi Manila khuapi saklam Bontoc mualtung ah Feb 7,2014 ni in Bus pi khat lamto akah laaitak kibung a mi 13 thakhat in sipah in 30 vaal liam uhhi. Hih si mite lak ah Canada gammi leh Dutch gammi te zong kihel uhhi.

· Hong Kong gam The City Happy Valley khua sung ah Hong Kong palik te in Feb 6,2014 ni taaklam in Pound 2,000 agik Leitung gaalpi nihna laai a kizang apuak naailo Bomb pi khat mukhia uha, apuakhap lohnading in phelsiang thei uhhi.



Khialh na aom khaak aleh ngaihdam bawm ah maw
Thang Khawm Pau Zomi
-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.com, Thang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply