WWW.TUNGZANGNEWS.COM

914 ZOMI

03/04/2014

0 Comments

 
ZOMI KIPSAKNA DING TAWHTANG (Key)

THEIHDING THU 6

1. Mimal 55,000 a pha minam pen UNO in minam khat (indigenous) in kip sak ding.

2. Mimal 55,000 a pha lote ethnic in hong ciamteh ding.

3. Chin State sungah minam 53 sungah khat peuh i gelh a, 55,000 i cin kei leh, “Teizang Chin, Saizang Chin, Thado Chin cih dan suak ding. 

4. Galkapte ukna nuai ah i om lai minam 135 in kiciamteh a, tuate lakah gam sungah a om hetlo minam min a guan uh om a, tuate kiphiat ding.

5. Gammi hihna nei mah napi-in a om het lo minam min kiguang thei ding.

6. 135 ah laimal khialte kiphiat thei lo ding.

I. MANGNGILH LOH DING THU 4

1. Gammi hihna nei gegu mah napi in, a minam min a om nailote adingin minam min sazian ah guan theih dingin: “Code@Nambat 914,”

2. Sazian hong late in, minam min sazian laimai 2 hong lak ding uh hi. Tua laimai 2 a nunung pen ah, “Other,” cih na om ding a, tua code@nambat pen i zat ding ahi hi. Bang hang hiam cihleh Zomi in code@nambat kinei nai lo hi.

3.  Innkuan sazian form laimai masa pen ah innkuan min gelhna ding om a, No.  8  ah code@nambat hong dot uh ciangin minam om gegu a kihel nailo khempeuh in code@Nambat 914 kizang ciat ding a, a pam ah i guan nop i minam min gelh ding ahi hi.

4. Ei adingin a nuai a bangin gelh ciat ding ahi hi.

*Mimal 2012-13 Record of Chin State

Immigration Office*

1. Tedim Tps. Khua: 127. Mimal: 97,650.

2. Tonzang Tps. Khua: 73. Mimal: 26,070.

3. Cikha Tps. Khua: 31. Mimal:  10,810.

Vekpi = Khua: 231. Mimal: 13,4530.

*Chin State pualam lametna*

Kalay Valley? Tamu Valley? Zangkong Division leh gam sung mun tuamtuam?

BANG PHATUAM DING

1. Zomi cih ding pen Kawlgam bup ah mi 55,000 i cin leh gamsung@gampua ah a om Zomi min zangin kipawlna khempeuh UNO in hong theih pih suak pah ding.

2. A lomin i tenna leitang ah mi 60,000 i cin leh Kawlgam upadi tawh kituakin ki-uk tuamna (Autonomy) ngah thei ding lampi ahi hi.

3. Zomi a kici 55,000 i cin leh Chin cih kizang nawn lo ding a, i minam min pen Zomi cih tawh kip suak ta ding.

4. Tua ciangin Zomi, Zolai leh Zongeina cih suakta takin kizang theita ding hi.

Kisimna pen ni 10 sungin kizo ding a, ahih hangin ni 10 ngak kullo ding hi. Hong kiseh ni bek ngak kul ding hi. Innkuan sungah a kician khat: Code nambat thei, gammi hihna a nei, innkuan min, suahni, leh bang ci bangin dawng thei ding kisam bek hi.

II. MANGNGILH LOH DING THU 5

1. Laimai nihna (No. 10) ah matpongten tawh kisai kigelh ding a, Nambat khatna (1) pen ei ading ahi hi.

2. Tua tawh kizomin a gei (No. 11) ah “OOO” gelh ding.

3. Tua tawh kizomin a gei (No. 12) ah “OOO” gelh ding.

4. Tu lai tak i kep innkuan sazian sungah min om khem peuh kim takin gelh ding hi a, kisim hun lai takin a om leh: “Khualzin hi,” cih ziau ding.

5. Koikoi ah a om zongin khualzin i cih ziau leh gam mi hihna kip mahmah lai ding.

Chin cih in ngeina nei lo a, lai zong nei lo ahih manin, Chin kici le hang buaina tuamtuam a behlap i hih zawk khak ding ngaihsut huai hi. Tua ahih manin Kamphen kullo, Zolai leh Zongeina mintap/dap a zangte pen dahna nopna ah a ki-uap zaw diakte i hih manin kua mah tangpek loin Zomi cih ah i kigawm liai theihna dingin, Topa tungah thungetna mawkmawk zong hi nawn loin, antan thungetna ngiat tawh pan lak hun hi ta hi. “ZOMIte HONG LAMTO IN,”  ci-in la-in sa-in, i gengen pen Topa in lampi hong hon sak ta hi. Praise the Lord!

  • Tu laitak i dinmun pen ei leh ei Zomi kici-in, laibu gelh khempeuh in, “Amau leh amau Zomi kici uh hi,” ci-in hong ciamteh uh hi. 1953 kumin Saikah khua ah ZBC a pian ciangin Zomi cih pen minam min dingin Topa tungah khitui naptui tawh a ki-ap pen kumpi in zong hong kipsak theihna dingin lampi hong hon sak i biak Pasian in minthanna leh pahtawina ngah den ta hen.

 


Comments




Leave a Reply