WWW.TUNGZANGNEWS.COM

 
Dear Zomi ulehnau teng,

Tulaitak Zomi atampen te santheih kipawlna in Global Zomi Alliance hi in anihveina GZA pawipi Tedim khuapi ah March 13-17,2014 sung thupi takin kinei in thangah huai mahmah hi.


Zomi te theihding thuhoih mahmah pawlkhat thukhentatna tungtawn in hong taangko khia ing.

1.Kum 2014 Census ah kuamah kinusia hetlo in Zomi khempeuh in 914 -ZOMI gelh kim ciatdingin kikhentat hi. Hih adingin GZA Census Committee- Kalay / Tedim/ Tamu/ Tonzong / Cikha leh Kalaymyo khangsiah cihbangin kibawl a tulaitak akuan ziahziah laitak ahihi.

Hih Census vaitawh kisai in hong mapang masa ahi ZCD leh ZYA akipan akuamapeuh teng tungah lungdamna lianpi kiko a, amau nasep maban te alawhcin semsem nadingin Census Committee akiphuan hi a, amapang khawm pha mahmah ding ahihi, akilangneih ding hilo a asemkhawm dingahihi.

2. GZA day dingin Nov 28 ni kikipsak a, ineihsak GZA Sunday pen Zomi Thanksgiving Day ahih manin tuamah a zatsuak dingin hoih kisa hi.


3.Hongtung ding Athumveina GZA pawi pi pen Lamka khuapi dingin kikhentat hi.

4. Kum 2014 Census ah Zomi te minam lian isuahtheih nadingin lunggulhna tawh March 28 ni in leitung bup a om Zomi khempeuh in thungetkhop ciat dingin kikhentat hi.

5.Zogam leh Zomi itna la te Census ma in laphuak siam thei thei inhongphuah dingun kilunggulh mahmah hi.

6.GZA 2020 - Tedim ci in kum 2020 beima tei tei in Tedim khuapi sungah taih inn hoih mahmah 500 peuhmah ibehlap zawhna dingin kilunggulh mahmah hi.

7.Zomi te sungah pilna Foundation neihdingin hoih kisa a, thangah takin zoptoh dingin ki koih hi.

8.Mailamah Zomi Pasian nasem te leh gam leh minam nasem te kipawlkhawm a kalsuan khop phat mahmah dingin kilungulh ciat hi.

9. Kawlpi mi hihna aneikhin sinsen Zomi te muntuamtuam a omte igam ah hongciah na dingun sap dingin hoih kisa hi mahmah hi.

10.Kum 2014 Census vaitawh kisai in Zomi te tenna khua khempeuh leh pawlpi khempeuh ah Hausa tungtawn leh pawlpi tungtawn in GZA mintawh lai khak ciatdingin ki bawl a kikhak ziahziah ta hi. Ahihtheih leh khua khempeuh leh pawlpi khempeuh in 914 Zomi ah gelh ciat dingin lunggulhna thukhentatna aneih theih nadingun
kilungguh mahmah hi.

11. Zomi te omna munkhempeuh ah laisuan 914 Zomi cih suan kim dingin hoih kisa hi.

Tutung in pawipi sungah gam tuamtuam pan kiciah ziahziah hi.

1. UK pan
2. US pan
3. Singapore pan
4.Thailand pan
5. Manipur pan
6. Mizogam gam.
7. Zogam leh Kawlgam muntuamtuam pan zong tampi kipai khawm thei hi.

GZA pawi adingin huhna atam pia deuh te>

1. Singapore Zomi innkuan pan
2. Zomi innkuan USA pan
3. Zomi innkuan Uttah pan
4. ZAM Malaysia pan.
5. Mimal tuamtuam pan
6. Innteek Local committee pan

Census adingin zong amun mun pan piakkhiatna kinei ziahziah a, pawipi sungin asum tangin tein 14 kingah in Census Committtee te tungah ki ap pah hi.

Hih atunga thuteng pen kaphawk khak teng leh mipi theih huai kasak mahmah teng kongkhak khiat pak hi in akicing zaw in tavuan neiteng hong pulaak lai ding uhhi.

Tutunga GZA pawi pi pen thangah mahmah ciat sa in innlam akizuan ahihi.

DR. Do Kham hong om theih nawnloh hangin alungsim leh muhtheih dingin a innkuan pih teng hong kihel thei ahih manin kilungdam pha deuh hi.

Thupulaak khia,

Rev.Pau Khan Khai
Finance Secretary - GZA
&
President - Kalay GZA local Committee.

 


Comments




Leave a Reply