WWW.TUNGZANGNEWS.COM

 
affiliate_link
Malaysia vanleng mang Malaysia Airlines jet Boeing 777 leitaw lam Indian Ocean tuipi sung leitaw lam ah tuipi sungah lutsuk hi Malaysia PM pa in genkhia ta hi.

Kaal nih sung bang zon cihtak kizong in ki muzotuanlo hi. Tua ahih manin vanleng len matna radar leh huihlak a leng leitung kimvel satellite muhna leh matna te gam tuamtuam pan in kaikhawm gawmkhawm in etkakna ah Indian Ocean leitaw lam tuipi sung tuinuai leitaw ah tumsuk lutsuk hi ci’n Malaysia PM pa in gen in a nungta mi khatzong omlo ahih manin I dah mahmah hi ci hi.

Emergency “Black Boxes” a kici vanleng sungah kiguan pen vanleng a kia ahi zongin a omomna mun aki kithei ding lahna nisawm thum sung battery nungta lai ding ahih manin hih a ki upmawhna munteng ah tuisung tembaw neuneu mituanglo tuisung ah khia khia in hih ni sawmthum sungah hah zon mahmah ding in gen hi US in zong tuisung tembaw te khahkhiat dingin paisak ta hi.

Vanleng kia in tuipi sung lutsuk lian cih omlian lo in vanleng them zong kimu taktak nailo ahih man in a tuntun naciang a hunzui in hih lai munsan tak ah TZN in hongsuaksak kik ding hi.

Picture
Malaysia vanleng mang lehlen kik a kia maw kia lo  Malaysia vanleng mang tuni dong in kimu zolo tuan nailo ahih manin gam tuamtuam pan in ki zonpih ngeingai hi.

Vanleng pen nidang vanleng te dan hi lo ahih manin hih bangin a mancip pen lamdang kisia in thulam dangpi khat in kiciamteh hi. Tulai hun tulai vanleng te ahih manin: a kia a, asia hizong in, a om omna mun ah a kimu ding a kibawl ahi hi.

Upmawhna ah vanleng hawlte in a bultawh a kizopna khak in hih dan dingmah sawm zong hi kha thei mai ding in kium hi. A bulpi pan kizopna a kitah khiat zawh a kipan leitung kimvel a leng vanleng Satellite leh radar a kici in vanleng I lenna nasepzia te manlai in tuazawh naili sung bang lenglai in lakkhia hi.  Satelite radar manna ah vanleng China Sea pan in, leh lenin Indian Ocean lamah leng kik in lakkhia hi. Tuni ciang India in zong tulkulh khempeuh nasia tak in a zonlai tak uh hi in kimu zotuan nailo hi. 

India tuipi leh Sen tuipi sungah kia hi ding maw ahih kei leh mun khat ah tu hi ding cihpen kium in kithei tuannailo in kithei nuam mahmah ta hi. US vanleng lam tawh kisai a thunei a siam te genna ah: a kum in, a kha in, zong kimu khalo thei kha mai tak ding hi cih gen uh hi.

Ahun zui-in TZN in a muh dong hong ki suaksak ding hi. www.tzltt.com hiah na enkik in!

Tuni dong vanleng kimu tuannailo hi. Vietnam pan tai 8 kim pawl ah tuipi tungah datsi tui luang om ci-in Vietnam airforce te’n genkhia uh hi. Tua munteng a zong te in a zonlai tak uh hi.

Gam sagih val in zong a U.S.Navy in zong destroyer radar matna nasia mahmah khat paisak in, Singapore in tuisung tembaw khak ding ci hi. Sen leh Vietnam in zong galvanleng paisak ding ci in,  a kizon laitak hi in ki mu nailo hi.

Gam langdo mi terrorism te hi ding in ki ummawh hi Thailand pan passport a kigu tawh minnih tua vanleng tungah tuang hi ci’n kithei in genkhia uh hi.  A tung a tuang mi Sen gammi 152, Malaysia gammi 38, Indonesia gammi 12, leh Austraria gammi 6 ci hi. 

A hunzui in TZN nasemte in hong suaksak ding hi a thu a kikan laitak hi. www.tzltt.com ah na en kik in. 

HONG KONG - Malaysia Airlines in Saturday sani in vanleng Kuala Lumpur pan Beijing a leng mi 239 tuanna khat kizopna kingahlo in kia maw tu maw cih kitheilo hi cih gen khia hi. 

Vanleng zanlen hi in Boeing 777-200 Flight MH370 zingsang 12:41 a.m. kim pawl in Air traffic control Subang, Kuala Lumpur pan contact kingahlo ci'n genkhia hi. Nai nih 2:20 a.m. kim pawl ah vangleng koiah om ci kithei tuan nailo hi. A tun a thamna kitheilo hi.

Vangleng 7:24 a.m. pawl ah a tu ding hi in a hun in tuthei tuan nailo hi.  Malaysia Airlines te genna ah mi atuang 227, naungek 2, leh nasem mi 12 ci'n gen hi. Minam 13 tuanna cilai hi.

A thu kikan laitak hi an a hunzui in hong ki suaksak ding hi TZN nasem te in na en kik in.

 


Comments

12/15/2016 03:16

  SEO content writing is not exactly easy; you are tied to several keywords that you must incorporate in your content writing, and of course you must pay special attention to several things as you write the article: the quality of the content, the number of words, and creating links among others. But perhaps we can help you better this time by telling you how not to do SEO content writing: Do not plagiarize. Some writers have this nasty habit of copying and pasting web contents from the internet and passing those contents.

Reply



Leave a Reply