WWW.TUNGZANGNEWS.COM

 
New Zealand Zomi Innkuan(Nelson) Inc

35, St.Lawrence Street 03 548 200 | 021 2393 923/0278721318 Nelson, New Zealandnzzi.nelson1@gmail.com

2014 BURMA(MYANMAR) CENSUS ah Nelson ZomiInnkuan, NZ DEIH DAAN TAANG KO NA


1. Lei tung mun tuam tuam aa om Zomi khem peuh’ Topa gual zawh na in ong om pih tawn tung hen la, ih sep khop na khem peuh
ah ih Topa’n ong om pih tawn tung ta hen ci in ka khut tak lam khut uh tawh kong vaan uh hi. A ma sa pen in,Zomi vai aa a sem agim makai khem peuh, sum leh pai tawh a pang, lungsim, kam leh thu nget na tawh a pang khem peuh te pah tawi na ka hong pia uh hi.


2. Tukum March30-April10,2014 ciang aa ki bawl ding Kawlgam bup mi lip sim na ah New Zealand ZomiInnkuan(Nelson)Inc or NelsonZom CommunityNZ in kipah na leh lam et na lian pi tawh ka uap uh hi. Hih ki sim na ding aa a bei ding sum lom pi US$56million a pia khia ding UNFPA leh Myanmar, US, UK ,AUS kumpi te zongh ka pah tawi uh hi. Tua baan ah hih ki sim na in UNO makaih/theih pih ahih mah bangh in, ki kheem na te zongh ong tawm ding aa, kum tam/khang tam pi mah ong ki zangh suak ding hi cih ka lam en uh hi. Tua in Zomite zongh Kawlgam laizang,leitung kiu li panh in ong ki ciapteh na ding cih zongh amet na lian pi ka na nei uh hi.


3. THE OTHER CODE-914(Zomi) in Zomite’ Chin groups pan suah taak theih na ding in ong geel khia leh hang san tak aa ong khen sat Zomi makai pite, Zomi ki pawl nate ahi ZDC, GZA, TYA, ZOMUS,ZYA,ZOFA,etc,…te zongh thupi na leh zah taak na kong pia uh hi. Hih tawh ki zomh in ngaih sut na ki bangh kei mah leh makai mi atam zaw in athu kim na ahih man in a nung zuih pah ih makai te leh nung zuite zongh thu piit na ka pia uh hi.


4. Kum tam pi lai pek in Kawl kumpite ong piak sa Code no-401 pan ki pan te pen Chin(groups) nuai ah om hih mah bangh in , tua tawh ki sai kha lo in minampi tuam khat a dinh nop leh ci-in Minister of Immigration leh Gengeral Director of Immigrationte ong adviced piak The Other CODE-914 (Zomi) in Kawlgam ah Zomi nampi khat din khiak na ding lampi khat om sun hi cih zongh khauh tak in up na ka na nei uh hi. Code-914 ah ih piak man in Kawlgam om gamdang mite (Gen:Malaysia, Thai, India , etc,…te) tawh ahi zongh in, pem ta ahi Rohingya te tawh ki sai kha thei lo ahih na Director Generaleh Minstre of Immigrationte gen te uh muan na leh up na lian pi ki nei ahihi. Zomite’n ih hih na ih pu laak theih na ding in Kawl kumpi in Zomite leh nam dangte Human Rigths ong piak nate uh zongh ih biak Pasian ong piak a hi hi.

5. Chin cih pen bangh mah ih theih loh lai/ ih ih mut lai(ih mawl lai) in Kawlte’n niam et na tawh ong min phuah sak(Seng puate)cih min phuah ahih man in ngei na kip nei Zomi te’n ki deih ngei lo aa, tua panh in ih pu suah theih nang in ki pum khat in ih sep khop ding thu pi ki sa mah2 hi. India lam ah zong Bangali te’n minam niam/tuan tual minam singtang mi/mualtungmite a phuah sak min (Kuki)na n a pua ngei uh aa, tu ciang in a tam zaw in na deih nawn lo in Zomi Council nuai ah Tribes 9 in Zomi ih hi ci in ki thu tuak tak in na ding khin uh ahih man in Kawlgam Zomite’n zongh et teh ding ki samh mah mah ta hi.


6. April10,2014Census khit ciang kha guk ciang in Pyidaungsuh Parliament ah Zomi groups leh Chin groups a tuam in ong khen ding uh hi. Zomi Code -914 ah Zomi cih ih gelh man in Kawlgam ah zongh ZOMI cih ong ki suang liu leu ta ding hi. CODE-914 ah Zomi ih gelh man in Zomi sung aa ih neih tuam Sub-Ethnics minte Gen: Khuano,Dim ,Guite,Hualgno,Sai zang,Sihzang,Thahdo, Teizang etc,..minte mang tuan lo ding hi. Tua baan ah ei Sub-Ethnic groups teng pen Zomi National umbrella(Lu khu liim) khat nuai ah Tribes 10bangh ki gawm khawm thei leeng ih min zong ong ngaih ding aa, Zomi tha zongh ong khauh ding ahi hi.

7. Zomi aa ki lo sa’ Ciimnuai suan te sung pan in Zomi tawh ki gawm ding ut lo in ei Code lui ciat ah khiat ding cih ahi zongh in, Chin Code-401 ah ahi zongh in , Zomi hi khang a cite ahi zongh in a gen makaite, ki pawl na neu te pen Zomi nam sung/unau khat sung ah mi pheeng phi, mi ciam peel, mimuan huai lo leh mi nam it zongh hi lo in , mi huai ham leh lam khial in ki ngaih sun ding aa, lam dang sak na leh khat siat na, mawh paih na a sang pen ki pia hi. Tua baan ah bangh mah thei lo numei nau pang a kheem gawp aa na sem te pen gam ie thu khun apal sat baan vuah Zomite tangthu ah a min uh ki mang ngei nawn lo ding hi.Tu lai tak Chin lam aa a na lam pai te zongh Short-Time Political Benefit bek deih na hi aa, kua man Chin ka hi aci lian om lo hi. Na zuih khaak leh na mi nam min Laimi in ong laih ding uh hi. Zogam khang lam te zongh tu lai tak Lai (Literature leh Language vai in)buai ciip ciip ta uh hi. Sanggamte aw pil vaang mah mah ni.


8. Zomi cih pen kua mah neih tuam hi lo aa , Kawlgam Zomi nam 10 te leh India gam aa om Chin min huam khaak ngei loh(Chin hi kha ngei lo) ZomiCouncil nuai aa om Tribe 9te tawh minam khat aa ih luan khop theih nang ngim na ahih man in, nam neu neu min te tawh buai lo in alian pen ZOMI in ki gawm ding in a tawp na ah ih ki zawn lai lai hi.

9. Zomi Code-914 ah apia nuam lo nam neu pawl, ki pawl nate pen pen nam dangte neek/ valh tum ding in ki pia ahih man un ahun om lai in ong lam dik/man ong kan tel uh hen laa, unau khat ih hih na ong phawk in, a hun lap in ong ciah kik ding uh ngaih na lianpi tawh ih sam lai lai uh hi.

Ih ngim na in Zomi nam khat 
Zomi District (Zogam)
Zomi Self Administration Area(Zogam)
Zomi State (Zogam)
Zomi Country(Zogam)


CENTRAL EXCUTIVE COMMITTEE
NEW ZEALND ZOMIINNKUAN(NELSON)INC
Office : 03-5483200
10/03/2014

 


Comments




Leave a Reply