WWW.TUNGZANGNEWS.COM

 
A. Gambup Laipian phungpi upa meeting kibawl.

2014 March 14 pan kipan 16 March 2014 dong Gambup Laipian phungpi upa meeting nei uh ahihi. Delegate 100 val pha uh ahihi. A( 66) kumcin Laisang kikhoppi ding vaithupi te' Muizawl khuathak ah Pasian paaina sanginnthak hon ding vai thupi te, Kawlgam mikisimna dotna dawnna nasep ziading te cihbang kikup kholhna nei uh ahihi. Gambup Laipian phungpi nuai ah Gambup Laipian Sang naupang pawlpi' Gambup Laipian Khangno pawlpi' Gambup Laipian Numei pawlpi' Vantung Pasian thusiangtho puak vaikuan pawlpi cih Department tuamtuam nei uh a, tutung tua Department tuamtuam sung ah panmun nei upa teng Laipian phungpi zum Tedim khua pi ah meeting nei uh ahihi.

B. Nitum nalam mite bek ahat hi kei' Ei zong kihat veve U Gein Chan Aung!

Pumpi kihutna nam kim asiam kum 70 pha U Gein Chan Aung in ahatna khat vei Leitung bup theih ding in 9 Mar 2014 ni in Yangon Mayankung myone Tuhlot Aung May sangtual pi ah lah khiatna nei kik leuleu ahihi. Siamna nam 50 thei in Panmun lakna ( Kuat) 500 thei in siam cihtak siam ahihi. Bangcih lah hiamcih leh 4ft asang na dawhkangtung ah amah tallup in atung ah mawtaw paisak in amah bangmah cilo ahihi. Mitphial hilo, Aisiamnazang hilo ahihi cihi. Amah in Zateplo, Kuhva hailo, Zu, Beer cih te dawnlo ahihi cihi. Nitak daak kua asat hun in ih mu a, Zaan kim daak 12 asat khit ciang in thu ngaihsun kawmkawm sa in tum zel pusuah zel tawh huih siangtho apumpi ading in thala den ahihi cihi. U Gein Chan Aung in nitum lamte bek ahat hilo in eizong kisin peuh leng kisek peuh leh kihat ahihi. Nguih theih Khamtheih zat loh man in zong kihat tuammahmah ahihi cihi.

C. Census hun ciang gampua lammom te ciah kul sese loding.

Nuntakna hamsatna tawh sumzong gampua tungte Census March 30 pan April 10 hunsung in Kawlgamciah kul loding ahihi. Dotna 40 na tawh kipawl in Innkuan laisung amin om gamdang pai te akum, , Numei , Pasal, apaina gam gending,gelh ding bek ahihi cih Daw Khin Khin Nyu in gen khia ahihi.



D. Azi in Apasal agawl mekcip khit teh that.


2014 March 13 ni nitak lam daak 8 khit kimpawl in Meihtoung khua mi Enn Lay Kaan veng om Ma Moe Aye (b) Tin Tin Moe kum 37 in alawmpa Kyaw Moe tawh kikamtam in ahihi. Tua leh Azi Tin Tin Meo in Apasal Kyaw Meo agawl pan mek cip ahih man in khuaphawk lo a, Meih zatopi apuak uh leh zato sungah Kyaw Meo nuntak na nitak daak 9:45 hun in bei ahih man in Tin Tin Meo palik te man ahihi.

Hau Thang

 


Comments

Thu thak Tomkimcing 14 Mar 2014 is really good and informative must say that. This B. Nitum nalam mite bek ahat hi kei' Ei zong kihat veve U Gein Chan Aung post is really good, thank you for the share.

Reply
07/20/2017 06:25

I hope that the even at Thu thak Tomkimcing 14 Mar 2014 went really good. Because it was expected to have had as such. Everything was almost perfectly executed and it couldn't have had been better.

Reply



Leave a Reply