WWW.TUNGZANGNEWS.COM

 
A. Tuisungah 4K Video hoihtak ala thei Sony Xperia Z2

Mobile World Congress ah Sony tui lutlo Android abawl khiat Xperia Z2 smart phone Z2 tablet te bawl khia in mipi tungah lah khia na neizo ahihi. Sony in HDTV ah aom Live Color LED technology (siamciimna) te zang uh a,10.1"x leh tablet 5.2 " phone HD te ah kien thei ahihi. Z2 phone ah 20.7 megapixel sensor kihel in video alatheih ban ah tuisungah high definition video lathei phone thak ahihi.

B. Kumpi Thein Sein tungah Wa te in State ngetna bawl ding.

Kawlgambup mikisimna Census vai in Naypyitaw ah holim khawmding UWSA te upa 3 pai in Wa state ngetna kumpi Thein Sein tungah nei uh ahihi cih U Aung Myint in thuthang ah tangko khia ahihi. Galkap thau tawi tampi a nei wa te Shan State pan puapial khia ding khengval lua,cih zong hituan lo ahihi cihi.

C. N-Korea in Thautang bawlthak te lawnsin kik' Japan tuipi sungtum

Leitungah galte bukna suang innpi, kulh innpi te' akap khamzan dikdek zophampul zatam (missiles) theihna thautangpi Mal Korea te in aging khia thei hiam cih sin na in lawnkhia uh ahihi. Km 500, taikawk 310 atun ciang in Japan tuipi sung luttum ahihi. Hih thu tawh kipawl in leitung UN thukhen thukhun te palsat ahihi cih USA thuthang tangko Jen Psaki in gen khia hi.

D. Kum 107 apha khin Chinna nungak nu in pasal kadeih ta ci.

Sen gam ( Chinna) Gishu State huamsung om Numei khat kum 107 pha khin zo a,Pasal kadeih ta hi hong zonsak mengmeng un ci in akhuasung hausa thunei te tung vaikha ta ahihi cihi. Hausa upa tenzong dong kik a, kumbangzah gual tangval deih na hiam? cih dong kik ahihi cihi. Nungak nu in kum 100 sang in amoi zawlo tangval hi peuhpeuh leh kateen pih ding hi ci ahih man in Hausa te zong kum100 sang amoilo tangval zon cihtaktak in zong ahihi cih The Mirror Daily in suah ahihi. Nungak te innkuan pasal nei kua mah lo ahihi. Ahang akidot ciang in nasuah khihta lua uh acihi. Amau innkuan akum moi penpen zong kum 60 val ta ci hi.

E. Rakhine Makai nih Malay hong pailai thau tawh akap te khat kiman ta.

Abeisa 5 Feb 2014 nitak Kuala lumpur Jalan Alorah Cycle tawh pai in Rakhine makai Dr Aye Muang leh U Aye Ta Aung thau tawh akap te khat kiman zo ahihi cih Bernama thuthang pan in thusimkan Palik Tan Sri Khalid Abu Bakar in gen khia ahihi. Cycle hawl pa pen aliangko ciang asam in khuhsuk aa, mukmul nei chiamthuam in kawlkam mawl pianpian tawh pitpit ci in agen mawtaw sung tuang U Hla Myin in naza kha ahihi. Akimman pen amin gen na kician nei nailo ahihi.

Hau Thang

 


Comments




Leave a Reply