WWW.TUNGZANGNEWS.COM

 
Picture
Kawlgam Tan sawm pawl laivuan ding mimal 588612 apha lak ah 541810 in Laivuan uh ahihi. Tualo minpia khin 46802 siamsin sangnaupang in laivuanlo uh ahihi cih Kawlgam siamsin Kawllai thuvan pi U Myo Nyunt in gen khia zo ahihi. Tukum Tansawm laivuan theihna mun gamsung gampua 1287 ah kihong ahihi cihi.

B. IT hun ah Vanleng pi khat leh mi 239 mu zolo ding ihihiam?

Thupha mawh kiallap 911 ahih kei leh 999 samleng asamte om namun GPS(Global Positioning System) kilak kithei pah ahihi cih thu hun thukizakna nasep amanlang pen ahihi. IT hun hizahtak a manlang tak in nasep hun ah Malaysia vanleng MH 370, Boeing 777-20 ER athem neng khia mal khat bek muh zolo ding ihihiam? IT pilna nei te theihzawh loh leh zonzawh loh ding in koibang in kisel thei ding ahihiam? Khutlam en thei te leh Aisiam thei te'n zong zong a, tu ni in ni 5 cing khin hita ahihi. Mipil te bawl Radars pan in Transponder tawh koicih zon hi peuhmah ding ahihiam? Kua ma muh theih hetlohna mun Black Hole pisung lutkha hiding hiam? MH 370 omna ah wifi line bek omkha lo liang hi ding hiam? Tuipi sung khia suk ahih leh Submarine tuisung lut thei tembaw tawh kizong bek lo ahihiam? Ahih kei leh Vanglian pa Pasian in amah aomlam akilatna ding in mipil te theih zawh loh dong vangliatna aneih lam kilangsak nuam ahihiam? Kawl khutlam en thei te naleng kitot lawh kici hi ta hi. Iran in ahih leh MH 370 US te in asel cip uh ahihi ci miau hi.

C. Yangon ah Kawl papi khat leh Kawl siampi khat gui awk in si

Yangon khuapi Tamwe ah om Aludawpih phungyii sang huan sung ah Kawlphungyii Ashinagatarah (ami min U Khin Muang Htwe) sang huang sung ah akilam thak sang biakpiak na tau ding akibawl tau tung pan apuan sanpi zang in 12 Mar 2014 ahun 05;00 ni ingui awk lum ahihi. Atua ni mah in Tingkanchun myone , Sanpiah veng ah U Soe Myint zong innlam theihna ding phal na kipialo ahih man in ainnkong a, Singkungpi tungah gui awk in kikhai lum ahihi cihi.

D. Maila, Po ta Oo, Andamaan Tuikulh ah Census kila khin zo

Kawlgam sung Census mimal kisimna ah agam la mahmah KaChin gam Po Ta Oo , Shan gam Mailaa te omna mun leh Yangon khuapi ukna huamsung om Andamaan tui kulh ah mi teng kisim khin zo ahihi cih Department of Population Deputy Director Dr Khiang Khiang Soe in gen khia zo ahihi. March 17 ni kim ah Wa te omna teng misimna kipan leuleu ding ahihi cihi.

Hau Thang




 


Comments




Leave a Reply