WWW.TUNGZANGNEWS.COM

 
A. Zomi leh 914 (Census) Lapi'Laphuak/sa siam Kineih siam mipi in lam en.


Kumpi 2011 kumpan in agelsan kawlgambup misimna tukum in nasia tak in hong kai khawm tading hun nai mahmah ahihi. Mimal kisimna ah aomsa te tungtawn in code kumpi in abawl khia hi bek a, tua dungzui in tutung in aomlo leh athak minam kipum khatna minam min piangding thu zong omding ahihi. Tua man in Zomi Laphuaksiam minthang, Lasa siam minthang , leh Kineih siam minthang te in khangthak Zomi tuailai sisan sung leh lungtang sungah lahoih nono asak thei ding leh aliim in muh theih ding mipi in hong ngulh ahihi. Tua man in Zomi Laphuak siam , Music siam te in Zomi leh 914 la akhawmg khong in leitungbup Zomi namsung ah hunlap in akhah khia ding i kisam hi. Tua nala in Zomi apau thei tungdong in Zomi cih minam hihna lasa akhang khawm in Zomi hi ing ci suak thei ding ahihi.

B. Kawlgam Tansawm Laiphi khat' Dailen buk paina pan gul in tu kha.

Tu ni 17 Mar 2014 Yangon Dagon Myothit ( S) BEHS No 3. ah Tan sawm lai phi Maung XXXXXXX kum 23 Seat SDT 1766 Zunsuak in dailenbuk apai leh gul in tu kha dihdih ahihman in Asang sia te pawl khat tawh zato ah kipuak ahihi cihi. Kyingkanchun Hopital Zato Lupna No,18 ah om hi cih Yangon Palik te gen ahihi.

C. 8888 zumah Vanleng tuipi sunglut amu cih thu phone tawh kigen.

Malaysia MH 370 vanleng man hunsung tawh thu kizom in 8888 zum ah om Ko Zaw Min phone tawh ki call dihdih a, alunglut huai mahmah thu khat za kha ahihi.

Thuthak khat hong lutin lamdang ka sa hi. Rakhine gam , Guah khuapi huam, Cying ta lee khua pi , Nanta chun or Chun nan taa (ကၽြန္းနံ႔သာ) om khuami khat in Abeisa hun sawtlo in vanleng khat tuipi sung tumsuk mit in mu kha ahih lam Ko Zaw Min tung kigen a, Confirm theih taktak ahih loh hang in lamdang kisakna tawh fb ah kikhoih beh ahihi. Ko Zaw Min in aset kik hang in hand phone hilo hi ding hiam Contact kikna hamsa ahihi cihi. Ataktak ahih leh amukha te mun ah vanleng akiattak pi leh sumtampi in kipahtawi ding um mawh ahihi.

D. Zogam ah Singtang lokho te'n Lo halta.

Zogam ah theihsa mahbang in nasep lian pen in akinei Zomi te singtang lokho te'n Lo halhal ta uh ahihi. Guah zu thei nailo a, khaici nuamtak in kivuah thei nailo ahihi. Zogam khua ta pawl khat te zong lui tui tawh mei kivak hi a, tuitamlo ahih man in mei deih bang in pai kinken zo nawnlo ahihi cihi. Nisuak peuh leh innsung khuavak meikullo kingah hipan ahihi cihi. Guah hoih zu leh anteh sel no neng hong om ding a, tuaikii teh thuk siusiau leh besan awm in meh bek ahizong mehliim kine tuam kisa lai ahihi cihi.

Hau Thang

 


Comments




Leave a Reply