WWW.TUNGZANGNEWS.COM

 
Thuthak Tomkimcing 20 Mar 2014

A. Kawlmi ngeina tawh akiteeng nupa suahna abawl Piantit te

Kawlgam miten nitumna lamte ngeina silh leh teen te ultungsak mahmah hun laitak, Minam ngeina puan khuizia dongah adiak in Mualtung singtang lamten minam phuankhuizia ah nitum nalamte azuih hun laitak' nitum lam tezong Kawlgam ngeina in lawh in kiteenna bawl uh ahihi. 20 Mar 2014 ni in Pagan Nyiang Oo Mya Xhi Khung sang huang sung ah France( Piantit) gamni Mr Monney leh Ms Thellier te in kawl ngeina danlinlian in kiteen na nupa suahna bawl uh ahihi.

 

B. Kachin State sung ah Census vai KIO in phalna pialo

Kawlgambup mimal kisimna ni 9 akisap hunlian in Kachin gam KIO te omna mun teng ah Census vaitawh kipawl nasep theih nading luttheihna, phalna KIO in pia lo ahihi.Kachin gamsung kido kikapna mun sungteng suak ahih man in kivenhut na lemtanglo ding lauh nahang ahihi cih U Lamai Gunya in gen khia ahihi. Upmawh sansat in galtai teng mimal 80000 pan in 100000 kim pha ding a, tualo KIO leh KIA gam ukna nuai om teng 200000 kim mimal pha ding ahihi cih upmawh na nei uh ahihi.

 

C.Leitung ah Gilbeem lut mi atampen USA gam mite

American gammi khempeuh leitung mimal zah 5% pha ahihi. Tua 5% US gammi lak ah 0.25% pen thukhelkhel tawh kiman in gilbeem lut uh ahih man in leitungah akiman a tam pen gilbeem lut te lak US gammi gilbeem lut atampen ahihi. US gam pen zalenna gam ahihna dung zui kizalen lua liang a, thulian pipi mawhlawh tawi tawh akiman in gilbeem lut aom mahbang in athu pi hetlo thuneu nono zong tawh gilbeem lut om ahihi. Tua man in gilbeem lutna thukhun tawh kipawl phuah phatna bawlpha ding cih kithei ahihi.

 

D.Meihthila dongtuak kepna camp mun nga ah mi tulsawm ngiat

Abeisa 20 March 2013 ni in Ngun leh Khamh zuakna dawr pan kikamtam in kawl leh Vai minam te om mawh khuaval na tualgal piang in inntampi mei in kaang ahihi. Tu in kum khat cing hita a, inn neilo camp mun nga ah dongtuak in aom mi tulsawmval pha ahihi. Guah tui hongpai kik ma in hih dongtuak inn neilo te omna ding in amanlang in inn lamhsak kisam uh ahihi.

 

Hau Thang 

 


Comments

12/17/2016 03:06

Thank you for telling your experience to us from the 20th of March 2014, you seemingly enjoyed your amazing time there. I've read lots of papers, all from Tungzang news and other platforms. your paper was well-written and included intensive details, well-done.

Reply
03/09/2017 05:30

MX Player is the first media player application on Android. This is the best application that provides music, videos and movies in High Quality. This app which is compatible with only Android and iOS devices is now available on PC.

Reply



Leave a Reply