WWW.TUNGZANGNEWS.COM

 
A. Thai ah Kawlgam nasem te Passport Asan kibawlsak


Thailand gam ah tawmvei ompak theih nading in laidalpi abeisa hun in kumpi phalna pia ahihi. Tua laidalpi tawi in Thai gam ah kawl gam pan nasem mite mimal 1700000 val pha uh ahihi. Tua te ading in laidalpi tang in tu in kum 4 sung om theihna, nasep theihna Passport asan kumpi in bawl sak ta uh ahihi.

B. April 1 nipan kipan Kawlgambup kumpi nasem te kha 20000/- khangding

Hongtungding April 1 nipan kipan in Kawlgambup Kumpi nasem khempeuh kha sum,khalawh kyats 20000/- khangding in thukimna Parliament pan in tangko khia leuleu ta ahihi. Tua ban ah Pension ne te zong abanban in 2014-2015 kum sumpi zeekna dungzui in kikhangsak ding ahihi. Kumpi kha sum akhan zenzen hang in Kawlgam ah nitha kilawh nasem te leh Company nasem te kha sum aniampen leh hunval nasep thaman cih hoihtak in kiciangtan na om nailo ahih man in April ni khat ni pan kipan vanman zong tawmbang khang thei ding pautau simsim uh ahihi.

C. Zogam mawtaw lampi kibawllo pipi Mawtaw lampi hon pawi kibawl.

Zogam simhlam Kanpalet leh Yelawngpan kikal lampi abeisa galkap hun lai in kibawl hi. Masuan tunzo nailo pi in Mawtaw lampi honna kibawl ngeizo ahihi. Tua lampi pen tudong kizang theilo Cycle zong apai theilo nailo ahihi cih Chin State Parliament adawl tungnung U Mana Nai in March 20 Parliament khawmpi ah genkhia ahihi. Hongtungding 2014-2015 gambup kum sumpi zeek ding gelkholh na tungtawn in akhangto nailo leh akisam na mun lampi leh gunlei,te Khuaphe mei te bawlsak huai ahihna thu zong ngaihsutna gen khia ahihi. Kawlgam kumpi ulian te Zogam hongpai hun in Mei piak ding kamciam omsa ahihi.

D. Khampat ah Numei pawlkhat ii kalkawm pan Zakang kiman.

Khampat khua kim sung ah Narcotic vaisai thu nei ten 18 March 2014 ni nitak lam 1:40 hun in Tamu pan Kalay apai khualzin mipua mawtaw te vasit uh ahihi. Tua leh Mawtaw 1E/6879 tungtuang Ma Mawimawi kum 33 tung pan 9g zakang ding upmawh huai leh Ma Myin Myin Khine kum 39 tungpan 11g zakang man uh ahihi. Amau te in in akalkawm asungten sunglam ah Comdom tawh tun in avangsung ah tunto in pua uh ahihi. Khampat palikzum ah thu kibawl in kiman phot uh ahihi cih kithei hi.

E. Kum15 pha pan napi Cancer natna a theihsiamciim mipil pa.

Natna kici khempeuh banghun in kipan lian hiamcih kithei khin kimlo ahihi. Natna akici khempeuh pen mihing te ading gal lian penpen ahihi. Tu in Cancer bang dan in piangkhia a, banghun in kipan in koilai ah cancer om hiam cih theihsiam ciimna anei leitung ah khangno penpen mipil kum 15 pha pan Mr Jack Andrak abawl khia thei ahihi. Amah kum 13 aphak pan kipan in Google ah nasia tak in zon kipan khia ahihi. Cancer cell te 10% dong in mukhialo, zong omlo phial ahihi. Mr Jack Andrak mihingte zun leh sisan sitna pan in cancer neih leh neilo theihna bawl khia theih na ding ama theihna tawh athu in laboratary mun 200 ah apuak leh 199 in thusimlo ahihi . Ahizong John Hopkins University pan in Dr Anarban Maitra phalna pia in sinsak in 2012 kum in matut gualzawhna na nei a, cancer neimaw neilo cih sitna ol no tak in mu khia ahih man in Cancer tawh kipawl in International Award ngah ahihi.

Hau Thang

 


Comments




Leave a Reply