WWW.TUNGZANGNEWS.COM

 
A. Phakanh ah tui hamsa lua ta.

Kachin gam Phakanh ah leisung sumpiang suang manpha kitawhna hang in mualpi tampi kisia a, luitui kangta ahihi. Tui phelkhai khat ngah nading in luitui kidawh a, hun sauvei pi zekai ahihi. Pipa khat ciang in Kyats 3000 man ta ahihi. Tulaitak in suangto in nasem om tulzanih kim pha den uh hi a, tui kicing zo ngeilo ahihi cihi.

B. Kawlgam ah FB zang 1.4 Million pha ta.

Leitung thukizakna te sungpan amanlang ah' aminthang facebook azang kawlgam ah 1.4million kipha ta ahihi cihi. Tua telak ah 1.1 Million pen mobile phone vive pan ahihi cih Facebook APAC pan Mr. Paul Webster khua veltheih ding in gen khia zo ahihi. Atamzaw khangno vive hi in Social Network lam in zang uh ahihi. Gampua lam te ahih leh Facebook For Businessin cihdan in zang ta uh a, khangto mahmah zaw ahihi cihi. Zomi ten bel Comment pan in kigensiatna lam' kihawm tawh na lamin kizang thei pan liamliam tasam hi. Ataktak Online Shopping Page ding ahihi cih Computer siam U Ye Win Aung in gen khia hi.

C.Census khit teh kumpi nasem khasum khangthei khanglo kibang thei

Hongtungding April kha bei Census man khitteh kumpi nasem te kha sum a 3veina khang ding maw kibang ding parliament ah thukhen na om kik ding ahihi cihi. Nungkum 2013 April 1 in Kumpi nasem kha sum aniam pen 20000 pan in 30000 ah akah hun in Company nasem te kha sum kikhanlo ahih man in Company nasem te ahunhun in lungphona nei khin zo ahihi. Tutung in athum veina kha sum khang sak lai ding ahih leh Company nasem te lungpho na nasia semsem ding ahihi cihi. Yangon, Mandaly' Pegu ah Company nasepna mun 170 val om a, Nasem bekbek 21,00,00 val om ahihi. Hite kumpi nasemte bang in kha sum khanglo ahihi. Kawlgam ah kumpi nasem 1.3 million om hi ahihi.

Hau Thang

 


Comments




Leave a Reply