WWW.TUNGZANGNEWS.COM

 
Picture


·      2014 sanghon kik June kha akipan Tedim,Tonzang akipan Chin state sung Tan 10 sang 30 te ah Computer+Internet+Printer te sangnaupang te zattheih lian ding in amansa in omta hi ci in CNF te in Feb 28,2014 ni in taangkokhia uhhi.

·      Kawlgam sung ah 2014 kawlgambup milip kisimna March 1, 2014 ni in Nypidaw ah honnapawi nasiatak in kibawl a, Kawlgam President U Thein Sein in pawihonna thugenna nei in thautawi kipawlna tuamtuam te leh gamvaai party tuamtuam adiak in Zomi sung ah ZCD party tezong kihel thei uhhi. Hih pawipi sung ah Kawlgam Immigration Minister U Khin Ye in O minam tekiang leh Shan gam saklam teng ah kisimniding a aseh ma misimna kibawlbaih zawding hi ci in genkhia hi.

·      Kawlgam sung a amawkna a zatui hawm Piantit gam bupthuh MSF te kawlgambup Township 33 ah nasepding kawlgam kumpi tawh thukimna aneihna lak ah Rakhaing gamsung ah MSF lam pan thukhun palsat uh ahihman Rakhaing state sung a teng kikhawlsak phot hi ci in Kawlgam kumpi taangko U Ye Htut in March 1,2014 ni in genkhi ahi.

·      Russia gam parliament dawltung nung te in Russia President Putin ngetna tawh kizui in Ukraine gam ah gaalkaap tha zatding in March ni in thukimtak in khensatta uhhi. Ukraine Acting President Olexander  Turchynov  inbek gaalkaap te kigingsa in ka omsak a, mipi te ahihleh daaitak in na omkhipkhep laai un kaci hi ci in March 1, 2014 ni man in genkhia hi. President Obama inzong Russia te khensatna mawhsak mahmah ban ah March 1, 2014 ni in kidawm mahmah un! Ukraine thuneihna sung gamtat khialhna naneih khaakpeuh mah uhleh leitung kilokding a eizawlta zong kivikzialzial kuulkha theiding hi ci in vaugiap hi.

·      Tuabek thamloh Britain Prime Minister David Cameron inzong Ukraine vaai ah dawimangpa ahiphial a pasian khat peuhpeuh ahiphial zong in onggamtaang masasa “ no excuse” ngaihdambawm kibawllo March 1, 2014 ni in cigiap a leitung in mitphelo in Russia te gamtat ki encik gige cihbeh hi. Gampua kizopna Laai-atpi William Hague inzong hih Russia te khensatna kamuh phet in Russia Ulian te laaitawh, phone tawh kavau pah ci hi. UN Security Council ten zong thukin meeting khat March 1, 2014 ni in sampah lian uhhi.

·      Ukraine gam buaisung mah in Venezuela gam zong mipi nasiatak in nabuai uhhi. Hih gamnih peen Russia ten tanau bang a abawl uhgamte ahihban ah Ukraine gam leuleu  ciang mipi alang in EU lam deih ahihi. Hibang thubuai teng kawmkaal ah Russia Defense Minister pa in Feb 26,2014 ni in leitung ah Russia te gaalkaap thahaatna kakhanding uhhi ci in pulaakkhia ban ah Feb28, 2014 ni in Cuba gam tuipi nawlkhat ah mipi muhtheihding in Russia te gaalsimna Tembawpi khat khawlveva ahihman in US kumpi lamte zong asimtham buaizatzat mahmah uhhi. Gaalgim nam mahmah ta hi.

·      Nigeria gam saklam aom Maiduguri khuapi laaizang vanzuaknamun mitam mahmah ah March 1, 2014 ni in migilo te in bomb nihvei tak puakkhamsak uh ahihman in mi 10 sipah in 40 vaal liam uhhi.

·      China gam tuitawlam a om ahi Kunming Meileeng khawlmunpi khat ah March 1, 2014 ni in minam vaai in Chinese kongfu zangkawm in temta vive tawh kivaat ziahziah uha, mi 28 si in 113 nasiatak in liam uhhi ci in Xinghua thukizaakna in pulaakhia hi.

·      Thailand gam Bangkok khuapi sung ah lamdung lamvaai khaktan a kumpi langpang a lungphona pan khawlbawlphot ding in Lungphona avaaihawm makaaipi Suthep Thaugsuban in March 1, 2014 ni in thupia hi. Hihbang thu ongpian theihna peen US State Secretary John Kerry zawltuahna zong ahihi.

Khialhna aomkhaak aleh Ngaihdambawm ah maw

Thang Khawm Pau Zomi

 


-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.com, Thang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)


 


Comments




Leave a Reply