WWW.TUNGZANGNEWS.COM

 
Tulaai Leitung Thuthang Tuamtuam Updates March 21, 2014

Kawlgam Sawtpipi naho nuam hiam??

USA gampan Adiak in kawlgam ah Nu le Pa sanggam u le nau anei laai ahihkeh lawmngaih, zi pasal cihbang nei a saupipi sumtawm no tawh ahonuam ten Phone card hoih mahmah kilei thei hi. Phone card man $20 Minutes 100 kiho thei kisunsiah thei., izat zahbek bei hi.Alung luut ten 270-217 9593 ah kidong thei hi.  

·      Zogam Saaizaang khuapi khuataw ah Vanleeng tual kumpi ten ongpia ci in I ot liailiai laaitak in  Khalkha khuanawl kumpi ten nakipsak ziau uha, Pasian in lemsa khollo ahimai tam ., Vanleeng tukdaan asin mi 12 atuang Vanleeng khat zanni March 20,2014 ni in tu a aleen khiatciang kiamawk hi. Kuamah thukan luutsaklo immcip uh ahihman bangteng piang cihthu kithei zonawnlo hi.

·      USA gampan kibawl Sumzon nalam tawh kisai Fortune kici laaihawm minthang mahmah khat in 2014 kum ading a Leitung gam makaai mithang mahmah mi 50 te gelhkhia uha, Pi Daw Aung San Suu Kyi minzong tuang vevua keei hi.

·      Thailand gam kumpi semte in Feb 2,2014 ni a abawl uh gambup kiteelna thukhunpi tawh kituaklo ahihman in thumanlo, kisimlo hi ci in Thailand gam thukhunbawl zumpi te in March 21, 2014 ni in taangkokhia uhhi.

·      India gam Mumbai khuapi ah Nungkum July kha sung a thukan numei 22 khat leh telephone operator numei kum 18 buanna hang in mi 4 te sihdong thongkia ding in Mombai thukhen zumte in March 21, 2014 ni in mawhpiakna nei uhhi. Dec,2012 Delhi khuapi sung Bus tungpan Zatui sangnaupang numei kum 23 khat kibuanlup pan kipan India gam ah kibuan onglaang mahmah hi.

·      Malaysia gam ah March 8 ni a amangcip Vanleeng zanni Australia ten satellite tawh aki valaak van namnih India tuipi sung ah amuhkhiatna hang in zanni pan March 21, 2014 tuni dong Australia leh USA ten avazon ziahziah pah uhleh khuahun siatna hang in kinaai ettheilo a lawhsamp in ongciahphot uhhi. Austral PM Mr Tony in bel Vanleeng mangtung atuang mite innkuanpih tetung ah asawtlo in thukhat peuhpeuh kongmukhia ding uhhi ci in kamciam pia hi.

·      Gaalpi nihna laaipan ki-it taktak zolo a ki engiaugiua Japan leh South Korea gamte I makaaipi te ahi Prime Minister Shinzo Abe leh South Korea President Park  Geun-Hye te akhatveina  March 21, 2014 ni in kimuding uha, Maaikaal sung ah USA in Chairperson seem in Kiuthum thukikupna neiding uhhi.

·      Afghanistan gam te khuapi Kabul khuapi sung a om Hotel khat March 20,2014 zankim in Taliban misongbong pawl in thautawi kaap in simgawp uh ahihman in mi 7 si hi. MIgilo pawlzong Innteek pawl in lehdo gawpsam uh ahihman in 5 khawng si ci hi.

·      Nitumna gam te leh USA te in Russia gamten Crimea tuikulh Ukraine gam asuhna hang in gawtna namkim khantoto in agawingiatngiat laaitak un Russia President Vladimir Putin kisuanglo tak in Crimea leh Russia kigawmna kisakna thukhun March 21, 2014 ni in Suaikaai geu hi.

·      Gaza gunpaang lampan Israel gam mipi te donading a Israel gamnuai ah aluut lampi kawhawm asuapeenpeen kimukhia ta hi ci in March 21, 2014 Israel gaalkaap tein taangkokhia uhhi. Nungkum Oct khasung in 1.7km asau khat mukhia khin uha, tuasang sauzaw ci in gen uhhi.

Lungdam zek ei Laai nongsim sak uh

Thang Khawm Pau Zomi 


-- <_73735179_73733231.jpg>
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
josep...@gmail.comThan...@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)


 


Comments




Leave a Reply