WWW.TUNGZANGNEWS.COM

 
Tulaai Leitung Thuthang Tuamtuam Updates March 22, 2014

·      Asawtlo in ZomiTV international Zokam,Mangkam leh Kawlkam tetawh ahun mantak in ongsuak ziahzaih tading cihthu kiza hi. Hicibang in tawmveisung ongdaihpian na ahaang in Media training, Kumpi lam theihpihna vaaihawm,Van kisaim tuamtuam lei na hang hi in tu in ongkipan ki vanglak leh Nasia mahmah ding hi ci in ZomiTV tanupawl in genkhia uhhi.

·      Japan Foreign minister Fumio Kishida ninih sung kawlgam ah taamding in March 22, 2014 ni in Kawlgam Yangon khuapi tungta hi. Hih ninih ataamsung in Kumpi lam thunei te leh Kumpi langpang Daw Suu Kyi tetawh kimuding a huhna bangzah deih cihte kikum ding uh ci uhhi.

·      Zogam sung Khalkha gaalkaap CNF/A te in Numei leh Pasal vangil kisawksak na, Naupang te suahtaakna kepcing na cihte zuihnading tawh kisai in leh Huutnading tawh kisai in Switzerland gam Geneva  khuapi ah March 19,2014 ni in Suaikaai uhhi. Hih khualzinna ah kei theih pakding in Zing Cung leh Sui Khar kihel uhhi.

·      Ukraine gampan taaikhia in Russia gam ah kigawmding a khensatna anei Crimea tuilulh Belbek khuapi sung a om Ukraine gaalkaap te Vanlam phualpi March 22, 2014 ni in Russia gaalkaap te in buluh uha, amiteng hawlmang in Tangsuakpah uhhi.

·      Russia gamten Zawhthawh thutawh Ukraine gam Crimea tuikulh abuluh lungkimlohna hang in USA gamte in Russia nasiatak gawt uha hih gawtna hang in Russia gam Bank 4 tepan Master leh Visa Card tawh sum kithoh theinawnlo ngiau ahihman in mipi buai mahmah uhhi.

·      Chile gam Santiago khuapi sung ah mipi atulzasawm lom a sim in President thak liklek Michelle Bachelet kiang ah nakamciam te khatbeek ongseem dihve ci in March 22, 2014 ni in ngetna neimuaimuai uhhi. Palik te tawh kitalsik zel uh ahihman in aliam abaizong omsimsim ta uhhi.

·      Malaysia gam vanleeng mangtawh kisai in March 22, 2014 ni zingsang lam in China te Khuaphelep manzaihna in vannih mu a Vanleeng mang hikhatheiding cih ummawh ahihman azongding in Australia tawh kipawl in Vanleeng 8 tawh India tuipi lam ah kuanluailuai kik uhhi. Hih avanmuh uhpeen pi 78 kiim sau a , Australia gam Perth khuapi pan Tai 1,460 gamlaatna mun ci uhhi.

·      US leh South Korea gamnih kipawl a gaaldo kisinna lungkimloh lahna in Norht Korea gamte in March 22, 2014 ni in Thaupi tang 30 tuipi tung ah lawnkhia uha, March 23,2014 ni in tang 16 lawnkhia leuleu uhhi. US-S Korea gamnih gaaldo kisinna ahihleh April khakim ah manpan ding uhhi.

·      Russia gam leh Ukraine gam Crimea tuikulh buaina hang in thuneemtawh athu ala vaatsat ding in UN General Secretary Mr Ban Ki Moon March 20 ni in Russia gam Moscow khuapi tung a  thunei tetawh akiho khit ciang Ukraine gam Kiev  khuapi ah Ukraine gam makaaite tawh kiho himah leh Suangbang a asak Russia te muut zolo in khakunsa in sawlbang heikeei hi.

·      Israel gaalkaap te in Wes Bank toteng ah sanben daan in migilo te aven uhleh  migilo mi 4 kathat ( Kaman  ) uhhi ciin taangkokhia uha, Palestinian ten bel Palestinian mi 4 Israel te kaaplum in mi 16 liam ci in gen uhhi. Israel leh Palestinian gamte kilemnading ahanciam laaitak uh hia nawngkaaisak toto ding suak hi.

Lungdam zeel ei Lawmte

“Have a good weekend “ mah cilo dia maw

Thang Khawm Pau Zomi 


-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply