WWW.TUNGZANGNEWS.COM

 
Tulaai Leitung Thuthang Tuamtuam Updates March 24, 2014

·      Shan minamte Party ahi SNLD party te in 2015 kawlgam bup kiteelpi ciang in Meekuang kaluiding uhhi ci in March 24, 2014 ni in taangkokhia uhhi. Shan gam Taunggyi khuapi a kibawl SNLD khawmpi pan a khensatna hi a hih khawmpi ah khuapi 42 pan makai te kah  uhhi.

·      Malaysia gamte neihsa Malaysia Airline MH 370 March 8 nipan kipan kizong ngekngek March 23,2014 ni in Gamtuamtuam pan khuaphelep manzaihna siksan in India Tuipi tawlam Australia gampan tai 1,4460 vaal namun tuipi sung ah luutsuk in mikheempeuh sikhinta hi ci in Malaysia Prime Minister Najib Razak Kuala Lumpur khuapi pan thuthang tekiang ah taangkokhia ta hi. Hih peen gamtuamtuam pan muhna tuamtuam te ban ah UK’s Air Accidents Investigation Branch (AAIB) te muhkhiatna tawh kikipsak hi ci in genkhia hi. Misi te Innkuan pihte Malaysia Airline thunei ten zasak uha, tulaaitak kahna leh hagawina tawh kidim uhhi. HIh vanleeng tuahsiatna tawh kisai in mahialna zong akibawlbawl hi ta ahihi.

·      US gam Washington state ah March 22,2014 ni  a mencipna hang in kumpi thunei te mi 6 kiim si cina pi in Khuasung mite in March 24, 2014 ni apulaak na uh ah mi 108 mangthang in inn 30 vaal siamang hi ci in pulaakkhia uhhi.

·      USA gam Chicago khuapi sung a om O’Hare International Airport sung ataai Meileeng khat tuahsia in kibung ahihman in mi 32 liam a, mi 6 huaisia mahmah in adangteng bel nasia lualo ci in thuthang ten genkhia uhhi.

·      Russia gam te in Ukraine gam keek in  ahoihlo gamtatna hang in June 2014 khasung Sochi khuapi Russia gam ah kibawlding G8 kici leitung Sumhau gamlian 8 te khawmpi  kibawlnawnloding hi ci in UK Prime Minister David Cameron in March 24, 2014 ni in taangkokhia hi.

·      Egypt gam thunei te in President luui Mohammed Morsi nungzui mi 528 te March 23,3014 ni in sihdaan pia uhhi. Anihveina thukhenniding peen March 25,2014 hi a mi 700 thu kikhen kikding hi. Leitung ah nikhat a mitam sihdaan akipia peen hikhading in kilam en hi.

·      Yemen gam Hadramawt state Gaalkaap te Check Point pi khat ah Al Qaeda migipawl in March 24, 2014 ni in  bomb tawh nasuam uh ahihman in Yemen gaalkaap 20 si hi ci in Yemen gampan kihawm Saba News ten taangkokhia uhhi.

Lungdam Zel ei

Thang Khawm Pau Zomi 


-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply