WWW.TUNGZANGNEWS.COM

 
Picture
Tulaai Leitung Thuthang Tuamtuam Updates March 5, 2014

·      Kumsawtpi ahanciamna pan Leitungbup micimawh huh pawlpi ahi ICRC te in March kha sung in Kachin gam Mitkyina khuapi ah suaktatak a naseptheih nading in zum hongthei tading hi ci in makaai Micheal O’Brien in March 5, 2014 ni in genkhia hi.

·      Kawlgam 8888 sangnaupang makaai Ko Ko Kyi in teekkhit guaikhit hiphial mah leh zineiding in khensat ahihman in March 5,2014 ni in Ma Khin Thu Thu Win tawh Yangon thukhenpi zum ah suaikaihna neita uhhi.

·      Ukraine gam leh Russia gam buaina hang in kalsuanziading bangcihding cih thulu tawh Russia Foreign Minister Mr Sergei Lavrov  leh US,EU makaaite March 5,2014 ni in nasia tak in thu kikupna nei uhhi. EU te in Ukraine kiallap huhnading in $15billion piakding in khensat uha, US Secretary of State John Kerry in US te huhna Dollar Awn 1,000 khat Kiev khuapi ah March 4, 2014 ni in Ukraine kumpi tetung apna nei hi.

·       Khamul migilo mangpi Osama binladen Tupa Mr Abu Ghaith kum 47 thukhenna March 5, 2014 ni in New York khuapi ah kipan ta hi. Amah peen migilo mangpi khat ahihban ah 911 khit US te langpanna kammal zang ahihman in akimawhmat khat zong ahihi.

·      India gambup kiteelpi ding ongtungding April 7 pan May kha 12 ciang kikipsak ta a, May 16 niciang mee tang kisim ding hi ci in India kumpi te in March 5, 2014 ni in taangkokhia uhhi. India gambup ah mee tang khiathei mihing 814 million om cizen ei

·      China gam Communist Party te khawmpi March 5, 2014 ni in Beijing khuapi ah kipan ta a makaaipi 3,000 kah in na 10 sung kaaiding ci uhhi. Animasa ni March4,2014 ni in China gam I sumzon sumzuakna 7.5% khangto in, Gaalkaap sumzat 10% kihan hi ci in taangkokhia uhhi. Leitung a Gaalkaap sumzeekna anuai ah konglak hi. US te bel senten zong hahkat mahmah cihsan uhhi.

·      

·      Israel Defense Forces ( IDF) tei in Iran te bawl thautang apua tembaw Gaza lam amanawh khat Red Sea tung ah March 4,2014 ni in Kaman uhhi ci in taangkokhia uhhi. Israel Prime Minister Benjamin Netanyahu in hih thautang te peen Israel suksiatnading hizen ci in genkhia hi. Anung ah bang in ongzui tammaw

·      South Korea Defense Minister Kim Kwan-Jin in  North Korea gamte in asawtlo in Nuclear leh agamla kaapna thaupi lawnkhia khading ahihman in kidawmding in South Korea parliament leh azawlte uh ahi US tung ah lauphawnna theihsakna March 5, 2014 ni in nei hi.

Zom toto ni ei

Thang Khawm Pau Zomi 


-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply