WWW.TUNGZANGNEWS.COM

 
Picture
Tulaai Leitung Thuthang Tuamtuam Updates March 7, 2014

Zomi te  minam picing khat ihih mahbang in imit taangzaisak gamla musak in sakhi bang in kuamkua ikhual ding mimal kim ikihanthawn nuam masa hi. Muhna neu minam neu te bang a imuh khat bek mu , itheih khat bek lawphenhan minam neu te ibatlohding ipil vaang ding kisam kasa mahmah hi.

Tulian tak ibuaina Census thuthang bang ah abuaimahmah zong omkuul a ivekpi khuazaang a buaiding hilo in Census khitciang bang chiding bangteng ongpai ding cihdong ah angaihsun pawl zong ikisam ding hi. Tua mahbang in Politics lam ah zong anakui ciatciat I omding ahihi. Tua bek hilo Media lam ah, Siamsinna lam ah, Sumzonna lam ah cihbang in thusau khualtak in panmun inalaakkholh ding kisam hi.HIh bangteng lak ah athupi khat Zanni a aman Shan gam Taunggyi khuapi a kibawl Mualtungmi Media kimuhkhopna te bang ah Zomi te kihel huai hi. Tun ongtungding June kha ciang Khalkha khuapi ah neikikding uha, makaai kiteelna thukhun bawlna cihte neita ding uh ahihman in Zomi te ikihel kei leh ei thumaan leitung ongzangeilo ding hi.

Apil ahai akuamaciat in iseptheihna sunsun te siitlo in Iminam ading in naseem ciat ni. ZOMI cih laaimal minam min I it mahbang in A Zomi mimal tezong it mahmah ding hihang. Angsung bek khual in mi asisi zong in kei kagil tuipeuh leh ci in cil in Vompi taangkham bang in lum ial-ual niloh kei ni. Azawng ahau, aniam asang, apil ahai kikhual diamdaim in Zomi hihna kiciamsak tek ni.

Atawpna ah Ipil mahmah zong in Mite ading ., Pasian a ding bangmah muhtheihding sepkhiatna neilo in ei Innsung  nuntaakna khop neekkhop, nuntaaknuam cihciang lel tawh ilungkim leh Ganhing tawh akikim ihihi. Ahang peen ganhing kheempeuh in aduhduh ne in thau pingpeeng lel uh a, Ganhong Degree nei kigen ngeinaai lo hi.

·      Zomi khangno sung ah imuan mahmah khat ahi ZCD-CEC Pu Anthony Kap Khan Khual USA gamsung teng muntuamtuam ah US kumpi te geelsakna tawh hongzin laaitak hi a March 16 niciang kawlgam kihei kikding ahihi. Pu Kap Khan Khual peen March 7, 2014 tuni in Washington DC ah kumpi lamte tawh Internet Freedom tawh kisai zinglam kikum ding uha, nikaai lamciang Party pi nihpan makaaite tawh kimukhawm ding uhhi.

·      Kawlgam Mualtung mite lak ah khat ahi Rakhaing minamte neih party nih tea hi RNDP leh ALD te kigawmkhopna party thak ANP party kawlgambup kiteelna makaaipi te in March 6,2014 ni in theihpihna kipsakna neita uhhi ci in taangkokhia uhhi.

·      Leitung ngeina keemcing pawl ahi UNESCO te in kawlgam sung ah ngeina tawh kituak gamp le go ding in munnih ahi Shan gam a om Dawimual leh  Kachin gam a om Endawkyi Bual geelkholk in kinei a kikipsak bang hi leh kawlgam ah akhatvei na hiding ci in Yangon UNESCO zum thunei Dr Oh Ma Myo in March ‘ ni in genkhia hi.

·      Malaysia gam kumpi langpang party makaaipi leh Prime Minister nihna aseemluui Anwar Ibrahim 2012 kuma  kumpi thunei te mawhmatna ahi a inn naseem pasalno khat tawh kideh hi cihna thu pan thukhenzumten  mawhlo acihsa March 7, 2014 ni in Kumpi thunei ten thukhen zumte kiang ah ongsitsak pha un ci in thupuakik ahihman in thukhen zum ah kisam kika, kum 5 thongkiading in thukhen uh hi. Aman bel ka politics sepna ongnawngkaai saknuam a hihbang thumanlo pi tawh ongmawhmat uhhi ci in gen hi. Azenzen in amawhna kimu hileh Malaysia thukhun dan in kum 20 thongkiading ahihi. Mr Anwar peen Malaysia leitang ah mimal tamna peen Selangor state sung ah tukha sung kibawlding By-Election kaalhelh kiteelna ah kumpi ten alau mahmah uh maaitaaiding in akilam mahmah khat zong ahihi.  Ahang in nungkum kiteel in lel dawn uhhi. Amawhna DNA kisitna pan omkilkel lo hi ci in 2012 ni in Malaysia High Court in thu akhensa hibang a asepkik nahaang un Malaysia gam buaikha ding kilam en hi.

·      Ukraine gam sung ki-uk tuamna angah ahi Crimea tuikulh te in Ukraine gampan taaikhia in Russia tawh kipawlding state Parliament pan akhentatna uh Russia Parliament te in sangding hi ci in Russia te in March ‘7,2014 ni in taangkokhia uhhi. Nitumna gamlam te leh US te in daal baan ah President Obama mahmah inzong in March 6,2014 naikhat sung Russia President Putin phone tawh ho himawh leh Russia te khawllo a apaipai veve ahihi.

Lungdam zeel ei

Zing kaal pha maw lawmte

Thang Khawm Pau Zomi 


-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply