WWW.TUNGZANGNEWS.COM

 
Picture
Zomi D. C News: ZCD makai Anthony Kap Khan Khual leh D.C Area Zomi te kimuhkhopna nuamtak kibawl

U.S Kumpi (Department of State) te vaihawmna Program khat tawh Kawlgam pan hong zin ahi ZCD makai Pu Anthony Kap Khan Khual (CEC member, Zomi Congress for Democracy (ZCD) Party) leh  D.C Area om Zomi te' kimuh khopna, holim khopna pen Zomi Innkuan Washington D.C (Zomi D.C) makaihna tawh March 6, 2014 ni in Zomi D.C President pu Pa Nang Sian Thangte inn, Baltimore, MD ah nuamtak kinei thei hi. Tualai ah Zomi movement (Census) vai, minam vai, Zomite mailam kalsuan nading vai tuamtuam kikukhopna, holimkhopna leh interview bawlna te picing takin kinei thei hi. Pu Anthony Khual tawh holim khopna leh interview bawlna video zong a sawt loin Zomi Innkuan D.C, Information Department pan hong kikhahkhia ding hi. 

Pu Anthony Khual tawh holimna pan Zomi movement (census) vai theih huai pawlkhat:
1. Census ciang "Code 914 - ZOMI" mah ah lungka lo takin i piak ciat ding, i identity min "ZOMI" i zat, i piak ciat ding thupi mahmah hi...
2. Tutung census ah ZOMI in i kigawm zawh kei leh mailam ciang i kigawm ding hong haksa tektek ding hi. Tua ahih manin "ZOMI" cih min leh code nuai ah kigawm ciat ni.
3. Census min piakna tawh kisai Kawlgam sunga om te bek thamlo in gamdang tung te leh khualzin ten zong Kawlgam sunga om i innkuanpih te tungtawn in min kipia thei ding aa, tua tawh kisai bangmah thu dotna, thu kanna, thu nungsang omlo dingaa lungmuang tak leh suakta takin kipia thei ding hi. Tua ahih manin leitung mun tuamtuam aom Zomite in i tun tun na pan Kawlgam sungaa om i innkuanpihte contact (kizom) in Census ah min i piak ciat ding thupi mahmah hi...
4. A kicing in Video ah kien thei ding hi...

Pu Anthony Khual tawh kimuhkhopna Photo pawlkhat : https://picasaweb.google.com/100961052854261555258/ZCDMakaiPuAnthonyKapKhanKhualLehZomiDCKimuhkhopna#


Information Department
Zomi Innkuan Washington D.C (Zomi D.C)

 


Comments




Leave a Reply