WWW.TUNGZANGNEWS.COM

 
Makai kitam, Nungzui kitawm

Kawlgam, Zogam sungah Leadership Training "MAKAI THUSINNA" bekbek kumsim, ahun zui-in mun khempeuh phial ah kinei ziahziah napi in, Discipleship Training "NUNGZUI THUSINNA" om ngeilo phial cihding hi.

Theory tawh ih sinsa bangin practical in zang kei leng ih thusin a mawkna hi zel ding ahih manin thusin mimal (Trainee) khempeuh in a pualam nuntakna ah practical in makaih dan ih kisinnop tek mah hong kul ahih manin makai thei ding a kitam ahi hi. Ih thusin a lawhcing mahmah kici thei hi. Makai kitam mahmah napi a nungzui ding mi a om theihlohna pen; Nungzuihdan gina takin sin khalo nailo ih hih manin ahi hi. Zomite Nungzuih siamlo kihi khin samlo dinga, a kisin khanai mello hi zaw kha ding hi.

Tua ahih manin, tu a kipan nungzuihdan sinlo pi in makaihdan bek kihilh/sin masa kei leng hoih zaw thamtham ding hi. Kei mahmah in ka thugen miten hong man ding sangin ka gei a mi khat ii thugen khat ka thudon dinga, thuhoih ahih nak leh ka zuih zawh ding ka hanciam masa ta ding hi.

NUNGZUI SUAH THUSINNA lam ah hanciam ni ei Zomi Ulenau te aw!

Veina tak tawh

JK Kam
ITNA LEIBA

 


Comments




Leave a Reply