WWW.TUNGZANGNEWS.COM

 

Kong it ZOMI aw,



Tukum 2014 pen ZOMI KHANG TANGTHU adingin laimai thak ah TAANGTHU THAK ih at kum taktak ahi hi. 
Kawlgam Census tungtawnin Kawlgam minamte sazian (ethnicity list) ah ZOMI ci a hong kiciaptehna ding deihna tawh tha neihzah sitlo in ih hanciam laitak hi a, hong koici ding cih ih theih ding ih ngak lah mahmah laitak mah in, 

Norway gam ah ZOMI INNKUAN mimal 180 kiim khawng bek a ki om sam hangin minam khat min tawh na lianpi sep ding ki tum mahmah ahih manin kumpi ii theihpihna/phalna ki ngen a, 3rd April, 2014 (Thursday) ni in ZOMI ORGANIZATION NUMBER  hong pia taktak ta hi. Haleluijah…!!! 

Mi namdang tampi in zong a ngah uh ahih sam hangin ei ading Zomi min tawh ih ngah masak ahih manin thupi lua hi. Hih Organization Number tawh “tua ngah pah ding, tua hih thei pah ding” cih gen pah theih a om nailoh hangin Norway kumpi tung pan Zomi ih Mipi taangpi hamphatna ding na tampi kisem thei ding cih kician mahmah ta hi. 

Leitungbup a minthang gam thupi ii kumpi khat in Zomi Organization Number hong piak mah bangin Kawlgam kumpi in zong hong pia lai dinga, leitung bup ah Zomi gamtatna kuam zai semsem in hong lamto Pasian min thang semsem lai ding hi.

Zomi ih hih ciaptehna ihngahna in Zomi ahilote (a kicilote) tawh hong ki khensak nuam keizaw henla, 
Leitung minam tampi mai ah Zomi hihna ih lapsang zawhna ding, taangpi taangta phattuamna ding hong hita hen!

"Zomi ka hi hi,
Zomi ka hih angtang ing”
Ih ki cihcih sa mah bangin ci semsem lai ding hi hang ei!
Pasian in ZOMI te ih omomna ah lam hong lak hi cih tel ing!
Zomite hangin biak Pasian min thang semsem lai ding hi ei!

ZOMITE
“A ki-it siam, kipahtawi siam, kipawl siam MINAM
ci a hong kiciapteh lai nading hanciam lai ni ei

Hamphatna tungah Pasian min a phat den!

JK Kam
Vice President
Zomi Innkuan Norway








-- 
Every cloud has a silver lining.
 


Comments




Leave a Reply