WWW.TUNGZANGNEWS.COM

 
Dear Ka Zomi Pih te,

April 12, 2014 Zingsang nai 2:10AM hun pawl-in, Nyipyidaw Hi-way (Phyu Township) sung a tai, Tai (mile) 116/2 leh 116/3 kikal (Yangon pan Km 267 kigam lat na) ah Shan State ii Khuapi, Taung Kyi pan Yangon (Kawlgam ii Khuapi lui khat) lam zuan aa tai khualzin mi 44 a pua Taung Pya Tann mawtaw(manlong) ၅ဃ/၈၂၅၆ leh Mawtaw neu 9A/9302 amai aa pai khat tawh kinawt kha uh a, a mawtaw neu pen amawtaw pi nuai ah luut suak a, a mawtaw uh anih tuak in kangtum in, khualzin mi 10 valte in nuntak na suplawh uh a, khualzin mi 4 bangin liamna kician sim in thuak kha uh cih thuthak Myanmar Online News leh adang pawlkhat pan kiza hi.

 

Hih mawtaw kinawt khak na hangin, mawtaw neu aa tuang mihing(khualzin mi) 4 leh Mawtaw pi(bus) tung aa tuang khualzin mi 10 val in nuntak beilawh cih kiza hi. A liam te pen ahih leh tu laitak in Phyu Hospital (zato) ah liamma kibawl in a om laitak uh ahi hi. Thunei te in ava vel vel laitak uh hi a, amau’ tung pan mibang zah in nuntak na suplawh cih akician tak in, hong pulak lai ding uh hi. Ei Zomi te akihel khalo dingin, ka deih bawl hi.

 

Khualzin mite in a ACCIDENT tuah ding lam uh theikhol hizen leu uh, zin hetlo mah ding uh hi ven mate! A mulkim huai mah mah, a lipkhap huai mah mah thupiang khat himawk hi.

 

Ih hawhsuk, hawhtoh, vaksuk, vaktoh na, koi koi ah, Zeisu tawh tonkhawm in, Thu ngen ngen in, Ama’ tungah ih vai khempeuh ap tangh tangh ni ci-in, thupiang tung pan-in, ih kithei sak pha pha hi. Kidop kholh kan aa ahoih om kei ei …. Laizom Zomi teng aw!

 

Lailek (PAU L. DAL)

Sources: Myanmar Online News; Thit Htoo Lwin; Xinhua

A Lim pawlkhat mitmuh theih dingin hong belh ing.

 


Comments




Leave a Reply