WWW.TUNGZANGNEWS.COM

 
A. Japan ten “2022 World Cup zindo ding in kiging khol sitset khin ta.

Japan Bawlung kimawlna Vaisai Makaipi Kuniya Daini in, 2020 kum ciang in, World Cup zindo ding ki ging khol ta hi hang cih mi pi theisak hi. FIFA ciangtan thu khun te tawh kicing mahmah hi hang cih gen khia ban ah a kisap leh 2020 Olympics ki mawl zong zindo thuah lai ni ci hi. Japan Bawlung team te a beisa South Africa WC lai in, a tawpna team 16 pan kia uh aa, tu kum Brazil ah Quaterfinal ciang peuh mah kah sawm uh hi. A Muanzawk deuh kimawl siam te sung pan, ManU ah, Shinji Kagawa, AC Milan ah Keisuke leh Inter Milan club pan Yuto Nagatomo te hi pha diak ci uhhi.

B. Japan ah Tax 5% pan 8% ah diangto

Beer, Sushi pan ki pan na khem peuh a zuakna tax (sale tax) April ni 1 ni pan in, Kumpi in 5% pan 8 % ah khangsak uh hi. Tu ma kum 17 lai-1997 kum pan in, tu dong a ki khangsak beh nai lo tax a khan kik na hi. 10% dong khansak ding in, kumpi’n geel na a nei khin hih tuak lai hi. Shinzo Abe in, PM asep 2012 kum peek pan in, Japan economics ka khangto sak ding a cih sam hang in, deih bang in hi to zuahzuah lua lo hi.



C. Nu ten Nasem nuam Naukeem ding tampi kisam

2013 kum bekbek in, japan gamsungah sun naucin na ah apkholh naupang sazian 44118 pha khin ta hi. Tuma kum 3 lai tawh etkaakin, a kiam lam a hih hang in, naupang kep na ding mun leh van leh nate kicing thei nai mhmh lo hi. Sun naucinna mun kicing leh Nute in nasem thei pah ding uh hi. Tulaitak kum pi te in Daycare Centre (Sunsung naukepna) mun 400000val nungkum April pan lam ki pan khin uh hi. Tokyo ah 11589, Chiba Prefecture ah 1958, Osaka – 1761, Kanagawa – 1703, Saitama – 1391, Kawasaki – 1534, Fukuoka – 1046, Hiroshima – 951 leh Sapporo – 824 cih bang in, zato ah naugil ap khin dimdiam uh hi.

D. FUKUSHIMA Nuclear Phualpi ah ciah kik dekdek ta ding

Tu ma kum 3 lai pek aa, a puaktam Fukushima Nuclear phualpi kiim aa a teeng mipi te a sawt lo in, innah ciah kik thei ta ding uh hi. 2011 kum in, tuihual zinliingpi nawkna hang in, Fukushima Nuclear Setzung pi a siasuak gawp hi aa, tua kiim a om, mi 160000 vaal a mundang ah a ki tuahsak uh a hi hi. April 1 ni in, mi 375 te innlui giah phual lui lam ah ciah kik theih na ding Kumpi in vai hawmsak hi. Fukushima Nuclear phualpi pan a luangkhia daat hoih lo te siangthosak na ding in, $30 billion bei in a sem uh hi aa, Kumtampi mah sawt laiding ci hi. Tamura Khua pi huam huih sung ah Nuclear daat nai khat sung in 0.11 pan 0.48 microsieverts kikal omlai ci hi. Hih Daat sianglo 100 milisievert leh a tungsiah a ngah khaten, Cancer natna nam kim ngah baih deuh hi cih WHO in zong taangko khia hi.

E. Japan ah Gamdang mi khialhna bawl tam semsem

Japan ah buaina leh mawhna bawl gamdangmi kiman tam semsem aa, 2012 kum sang in 2013 ah 8% khang zaw ci hi. NTV genna ah, gamdang mi 15419 vaal ii mawh leh khialhna thupoi om ci hi. Tua sungah 9884 in matleh hen tuak uh aa, Sente- 9884, Vietnamese te 1118 leh South Korea te 936 ki hel uh ci hi. Hih tesung ah Japan gam aa sawtpi sung om khuan a ngah gamdang mi te leh U.S Galkap te mawhlawh bawl te ki hel nailo lai ci hi.

F. Daileen buuk aa zat Laidal te ki gugu

Tokushima Khuapi Zumpi ah tu maa kum thum lai pek pan dailenbuk aa ki zangh, Laidal zial 900 vaal ki gu khin aa, tu dong mah ki gugu lai ci hi. A tamzaw pen Numei te toilet pan hi zaw ci hi. Kua ma guuk theih loh ding in ciaptehna bawl ta le uh ki gu teitei a hih man in, thukhun bawl uh aa, a gu a ki theih leh kum 10 thungkiat a hih kei leh Japan Yan 500000 tawh ki tansak ding cih a hi hi. Van dang bel mang khollo bilbel hih tuak! Source: Yomiuri Online

Hau Thang



 


Comments




Leave a Reply