WWW.TUNGZANGNEWS.COM

 
A. Thingyan kumthak 1376 hunsung thupiang

Thingyan kumthak 1376 tuibuah hun sung in tual thatna 5 vei om a, mi 5 in sih lawh in mi 6 in liamna thuak hi. Utlo pipi numei buanna mun 3 ah om cih kizahi. Mawtaw kipul taih na 25 vei om in mi 4 si in, 88 in liam lawh ahihi. Khat leh khat kitawng thu kiselna 64 vei om in mi 102 in liamna ngah ahihi. Kinawng kaisakna kisim mawhna 2 vei om in 2 liam ahihi. Zukham kitom mun 13 ah om hi. Min leh Vaang simmawhna kosiatna 5 vei om ahihi. Sumbawm kisuhsak 52 vei om a, singkuah suangtum galhiam tawi in miphin na 14 om ahihi. Sihna tuamtuam mun 5 ah om in mi 6 si ahihi. Adang mawhlawh tawi na tuamtuam mun 6 ah om hi a, avek in palik te mat in om phot vive ahihi cih kithei hi.

 

B. Kachin galtai te' Namkham tansawm sang bel phot

KIA leh kawlgal kap kido kik na hang in khua mi galtai pawl khat in Nam kham myo BEHS No. 2 beel uh ahihi Tua mun ah mi 900 val kim bang pha uh ahihi. Sang hon kik ding nai mahmah ahi man in thu nei te in ni 2 ni 3 bek om pak na ding in phal bek uh ahihi. Om nading omlo, nek ding omlo, pawl khat naupang te dam lo sungpai thuah uh ahih man in dongtuak pan pihna Biakna lampan kipawlna tuamtuam pan ahi zong kisam ahihi cihi.

 

C. Kalay myo Chianmih veng ah Sazuk ki leh adang van kiman

Kalay Chinmih veng ah Sumkuang lum 22 , Saiha themthem tikal 17 ,Sazuk, Sanang kii 20, Sakhi vun 236, Sa sinkha namtuamtuam 34, Zangsial kii 8,kiman ahihi. Tuaban ah a innveng te inn nambat 54 vankoihna saal sung pan in zong Sanang kii 245, Thamvun 3, Sazuk kii 45, Suzuk kii tumtawng nengneng 613 pcs, Sathak kii 753, Ngalhaa paak 88, Sumkuang lum 65, Vommul a pheel in tunsa 3, Sakhi vun 156, 6ft kim apha sahang vun khat leh sing nam tuamtuam kiman ahihi. Without car khat zong kimatsak lai ahihi cih kithei hi.

 

Hau Thang

 


Comments




Leave a Reply