WWW.TUNGZANGNEWS.COM

 
Picture
A. Mandaly ah ni sa lua' Nikhat mi 6 ta si

Kawlgamsung ni sa semsem in adiak in Mandaly kim sapha mahmah ahihi. Nisatna 44 ံC bang sa ahihi 21-22 April ni in nisa lua in nikhat mi 6 ta si uh ahihi. Ahang pen Ultravioletrays khengval ahih ban ah Zu leh beer tam dawn lua te leh Nisa lak ah nasem te ahihi cihi. 21April ni bang pen Maha Aung mee veng ah Numei khat Lampai kawmsa in Zudawn hi a, Lamngei dinkhawlna buk no ah lum in sisuak ahihi cihi. Nisat luatna hang in lutang navat , Luvai in tuukvat (Heat Stroke) te kum 20 pan 80 kikal hi pha diak ahihi cihi. Guah hong zuk baih na ding in Mandaly ah tanglai upna khau kisuhna bawl uhhi cih kithei hi.


B. AIDS sang in alau huaizaw CORONA kici natna

Malaysia gam mi khat Suadi Arabia gam ah biakna pawi sim apai 29 March hun in that khat in si vat ahihi. Zato ah akisit ciang in CORANA kici nat na ngah hi a, akilawh baih manlang mahmah ahih man in Biaknapawi sim mi 90 kim kilawh in si uh ahihi. Tua man in Muslim gam 11 te ban ah Biakna pawi sim mi 10000 val hoih tak kisit uh ahihi. Malaysia gam mi asi pen akem Philipine innteeng numei nuzong akumpi te'n manlang in sam uh aa, ainn tu ma in zato ah hoihtak sit masa ding ding ahihi cihi.

 

C. Laiza ah KIA galkap ulian 31 khat in kiteen na mopawi bawl

KIA kiphualna leh a khuapi Laiza ah KIA galkap ulian 31 khat in zi nei uh a, 22 April zinglam daak 9:00am hun in nupa kop 31 in ahun kituak in kiteen na bawl khawm uh ahihi. Mopa teng in KIA galkap puan mopuan in zang uh aa, Kachin thung ip leh Kachin namsau kuah uh hi. Monu teng in Kachin ngeina puan silh in kiteena nupa suah na nei uh ahihi.

 

D. Mandaly CM pa mei kidawm loh nahang in thu kibawl

Mandaly Chief Minister U Ye Mint teen na inn nungdiak 19 April nitak daak 8:00pm hun in ainn kangsak ahihi. Kua mah tungah innkang vai gen khia saklo in imcip sak ahihi.Meikang kipatna thu akidot ciang in gen khiathei tuanlo ahihman in Meizat siamlo mei kidawnlo tawh mat ding in meiphelh lam te leh palik te, khua mi Nu leh Pa te in matding in thu bawl ta uh ahihi.

 

Hau Thang


 


Comments




Leave a Reply