WWW.TUNGZANGNEWS.COM

 
A. Kawlgam pan Thai ah mipua sim thei Phungyi 2 kiman


Kawlgampan in Thai gamsung ah kumpi theihloh in mi alutsak amakaih Thai Buddist Phungyi nih leh Kawlgam mi 30 kiman khawm uh ahihi. Phungyii te nihpen Khat kum 53 pha in Khat pen 48 pha khin uh ahihi. Mesai lamdung ah akiman hi in amipuak uh Kawlgam mite 30 lak ah Pasal 12 pha in Numei 18 pha ahihi.

B. India mi khat' agilpi sungpan Khamh( Shwe) tawn 12 lakhia

India khuapi New Delhi zato pi ah ni 9 April ni in mikhat gilna thuak zolo in kilak ahihi. X-ray abawl uh aleh agilpi sungah natna apiangsak thei ding mukhia uh a, Operation bawl pah uh ahihi. Tua leh agilpi sungpan in khat teh 33g agik khamh( Shwe) tawn 12 leh tak mukhia uh ahihi. Hih gilna pa pen Dr te in amin gen khia lo uh a, akum 63 pha khinzo ahihi cihi.

C. Japan in Myanmar Yan 6000 Million huhna pia ding

Japan kumpi in kawlgam huhna sum pia kik leuleu ahihi. Kawl gam sung leh ASEAN kizopna siahpiak vai tuamtuam leh Cidam nalam ,Pilna leh Siamsin nalam ah zat ding in US $40 Million tawh ki kim Yan 4000 Million leh adangtuamtuam azat ding Yan 2000 Million huhna pia ding in Japan gampua palai Mr Ichiro Maruyama in minkuih na neizo ahihi. Hih huhna pen bang hun ah kipia ding cih ahun lian mipi theihsak na om nailo ahihi. Pilna tawh kipawl in Japan, Australia leh adang gam tuamtuam pan huh na Kawlgam ah kipia zelzel ahih hang in Pilna tawh kipawl huhna Zogam sungah kitam zeek ngeilua lo ahihi.

D. Singapore ah Siamsin nuam te ngetna kibawl thei leuleu

Singapore ah kumli sung siamsin nuamte May kha bei dong ngetna lai kila thei ahihi cih Singapore siamsin Manputal te tungpan theihsak na neizo ahihi. Siangapore ah siamsin ding te in 1998 pan 2000 kikal asuak hi ding a, Laisin na pawl 8 pan pawl 10 kilak sung khangno kumcing nailo te hi ding ahihi. Ngetna bawl te June kha sung laihuanna kawlkumpi in bawl ding ahihi Laihuan na azo te athu cing thei nuam te in www.moe.gov.sg ah kihawh thei ban ah' a, Singapore gampua palai zum Yangon Bahan myonee ah kidawp thei ding ahihi.

E. Kawl galkap in galvan pua ding mipi pumsawl

KIA bek hilo Kawlgam galkap leh TNLA tawh kikap kik uh ahih man in galkap te in Porter vanpua ding thaman omlo in pumsawl ding in mipi mongmat miaumiau na thu hong ging kik leuleu ahihi.

Hau Thang

 


Comments




Leave a Reply