WWW.TUNGZANGNEWS.COM

 
A. Hakha University among kiliplip ta


Hakha ah aituam Siamsin na adawl tungnung vaidin zawh nading hahkat tak in sem uh ahihi. Adiak in P3 (Public – Private – Partnership) Khuanu khuapa in hanciam uh a, Hakha University cih min pua sak uh ahihi. Gampua khual zin peuh mah in zong innlam, gamlam ah sumkhak te uh Hakha khua sung bek ah zang uh a, Yangon -Mandaly lam ah innlam om te in kawlte lak ah asum uh zang nawn lo uh ahihi. University vai din zawh nading in Kawlgam bup siamsin Mangputal pi te leh Parliament ah zong ngetna bawl uh ahihi cih Ceu Bik Thawng in gen khia ahihi. Hih Hakha University tawh kipawl in 2016 ah kizat thei ding in gelna gimna nei uh ahihi.

B. Kha 4 sung in Yangon - Mandaly Lamzinpi ah mi 66 si

Happy Year zawh kha li sung in Yangon -Mandaly kikal mawtaw kiphul tuksia 160 vei om ahihi. Liamna a ngah 249 pha in April tuibuah hunsung in mawtaw kipul 33 vei om ahihi. Khualzin lampai kimlai lam etloh pi in sihna thuak kha kitam mahmah ahihi cih kiza hi.

C. Kawlgamsung ah Helicopter tawh Khualzin mipua kipan tading

Kawlgam sung ah Global Integrat-ed Service(GIS) Company te leh Singapore phualsat (OATS) Company te kipawl in Avia-tion International Myanmar (AIM) mintawh khualzin mi te pua kawikawi ding nasep kipan uh ahihi. Khualzin mi puak nading in American bawl Sikorsky Helcopter namte zang ding uh a, Mi 12 pan 14 pua ding uh ahihi.

D. Kachin leh Chin Leilamzui Malaysia gamlut tam mahmah kici

Kawlgam Tuibawh khitzawh leilamzui in Kachin leh Chin te Thai leh Malaysia pai kitam mahmah cih Leilam lam hil makai te'n gen uh ahihi. Hizah in gamdang napai uh nagam vua nasep ding omlo hiam cih Zomi Malay pai te tung ah Agent te'n lehdot kik bilbel uh ahihi. Gam hoih ding kipan no gamdang paipai ko Mon te bang gamdang pan hongciah kik in Thilawa leh Dawei ah nasep lutlut ta uh hi cihi. Tu cingciang Zogam ah nasep ding neek zon theihna Company omlo in. Kachin ahih leh tualgal omom lai ahihi.

E. Kawlgam ah' Nasep lian nei leh Milian atamzaw Website neilo

Kawlgam sung ah nasep lian nei Company te leh Milian zum nasem liannei Myonee dinmun ciangciang kumpi nasem, NGO nasem te Website atam zaw in neinailo uh ahihi. Tua man in sum bawlna, Sum zuakna leh thu ki zakna mipi deihna, deihloh na te tamtel hetlo uh ahihi cihi. Atamzaw mipi te in ahoih asia kipia, kikhak thukizak nate Milian te , Company neite, Zum nasem ulian te'n khuaza pahpah lo uh a, zekai den uh ahihi. Tua man in thu nung theih thunungtel in aom uh teh asin goltol State Minister leh Parliament MP kitam mahmah hi cih kiza hi. State Minister leh Paliament panmun nei Gmail neilo zong kiom lai zen ahihi kici hi.

Hau Thang




 


Comments




Leave a Reply