WWW.TUNGZANGNEWS.COM

 


A. Mihing genloh Ganhing na ngawn Kingdom (Chimelong Ocean Kingdom)


China( Sxen) Macao khuapi ngei Hengqin akicih na kuam sung ah 125 eka azai huangpi khat ganhing namkim zalen tak in aom na ding in kumthum sung hunla in munhoih bawl inn lamhsak uh a, zan madiak in honna tonzo nanei uh ahihi.

Tua huangpi pen aminding in Chimelong Ocean Kingdom kici ahihi. Hih mun ah Leitung ganhing Tuisung ganhing namkim koih uh a, zalen tak in khuasa uh ahihi. Mihing te mahbang in aom na ding uh mun hoihtak in lamsak in tui mei kicing tak in pia uh ahih man in leitung Ganhing Tuisung ganhing te inn nuamsa mahmah uh ahihi. Tuipi tuial galon 5.99 million , leh Luitui galon12.87 million kholna tui beem bualpi liimlang kuangpi bawl in tua sung ah ngasa nam kim zalen tak in omsak ahihi. Leitung ganhing te ading in zong munhoih nono bawlsak in Zawng, Vom,Sahang, Saham leh adang tampi zalen tak in khua sak na ding in bawl uh ahihi. Leitung ah aminthang mahmah mun5 te lak ah khat in kihel kha pah hi.

B. Malaysia om Biakna pawlpi upa te theih gige ding thusim

Zomi tulsawm thum val kimbang aom na Malaysia ah Biakna pawlpi zong sawm thum val bang om ahihi. Akikhen nianua nuam hilo in Pasian phat nuam tek leh kikhopna anai thei ding in avengveng, a khawkhawk in om ahihi. Sumpi kinei tek hi a, Sum kem zong kinei tek ahihi. Na pawlpi pi pan in Sum keem pa, sum kem nu gam thumna apai kuan ciang in pawlpi upa kim in napawlpi sum sayin leh sumpi omzah sitna nabawl kei uh leh sumkem pa in gamthumna ah asyin leh sum teng lengpih kha thei ahihi. Alenpih khin zong om zo ahihi.

C. India ah nauno suak in alungtang aawm pualam ah om

India gam Uttar Pradest State a Sultanpur zato ah kum 24 apha khin Priyanka Pal kici minnei nupi khat nau suak a , anauno pen Pasal ahihi. Hih Nau Pasal no pen alungtang khempeuh a awmpua lam ah om in suak ahihi. A kibawl na ding in sum kisam ding ahihi cih nau suaksak siavuan pa in Priyanka Pal ii apasal Naya kiang ah gen a, Naya ahih leh Innlamh nasepna ah leisan cian nasep tawh akivak din mun bek ahih man in lungbuai zo ahihi. Leitung ah naupang awnkhat asuak sim in naupang no giat ta in piandan khelnono kipiang khia ahihi ci in mipil te'n ciam teh uh hi.

D.Census man khit pan kipan Zomi kalsuan zia ding gelkholh kul

Asawtlo in Census misimna kiman ta ding ahihi. Mimal bangzah pha cih akisim khiat kik man hun sung kigin kholh ding leh Mimal phazah a ki theih khit Zomi nam kalsuan ziading nasiatak in panlak zia ding akisam om thei ding ahihi. Lam et bang in hong kigen khia kei kha zenzen leh bang ci ding? Malam et bang in hong kigen khia leuleu leh maban ding? Khanton na ding cih deih natawh misim na kibawl ahih teh Zom ading in kumpi tung pan hongpiak theih leh hong panpih theih hong sepsak theih ding khantoh nasep amasa penpen ding hi ding? Cidam na lam, Pilna lam, Lampi bawlpha phuahpha lam, Meilam, khuapi tui nek tuidawn vai, Zomi pumpi zawng khal te dinmun, Kiim leh Paam kepcing zia lam, Leitung leisung sumpiang nasep nate, Singno ciinsiamzia te, Gankhawi siamzia leh akhang punzia ding pilna ngah thei nate, leh dangtuamtuam khantoh na ding Plan neihkolhna i kisam hi. Census dot 41 sung tungtawn in i kisap te kileh kan kik thei ding ahihi.

Hau Thang

 


Comments




Leave a Reply