WWW.TUNGZANGNEWS.COM

 
A. Khuapi huih in, Phunom sangpi mut seem siaa dikdek


Tuzan khuapi guahzu nuam in huih pi nung a Zogam Phunom khua tansawn siam sinna sang inn atung teng leemkhia niknek ahihi. Sang inn tung teng huih pi mut seem leem khin a, Sang inn nuai a, Sia Ngin Za Khup te inntung deng met peek suk ahihi. Pasian thupha tawh Sia Ngin Za Khup te innkuan mimal liam leh bai tuak lo ahihi. Ahi zong inn kisia niknek ahihi. Phunom pan siamsin akhang khia gampua sum zong te panpih naleh Kumpi lam pan panpihna bek ngak in ki om ahihi. Sang hong kik ma hun in Phunom siamsin nasang a din zokik ding khua mite in lam etna nei laitak ahihi.

B. A (66)kumcin Laipian Laisang kikhop pi kipan ta

Zogam leipan piang Leitung biakna nam sung ah anunung pen Laipian biakna Laisang kikhop pi a (66) kumcin Laisang kikhop pi Muizawl khua thak ah tuni pan ki pan Upa (delegate) te tung kholta uh ahihi. Pasian paaina sang innthak honna leh Gun ngal Laipian khawk zum thak hon na zong nei ding uh ahihi. Thubulphuh ding in M:35-1 Pasian kammal , Ka thusiangtho zuihna te hang in Leitung leh Vantung ah nop sakna thupha na ngah ding uh hi. cih thubul phuh ding uh ahihi. Muizawl khua thak ah Laipian biakna thuzui pawlpi leh RC pawlpi bek om uh a, vai khempeuh ah anih tuak un vai kidinpih tuak in kihuh den uh ahihi cih kiza hi.

C. Yangon ah Kawl tuibuah hunsung Kiven hutna mi5000 kizang ding

Yangon ah Kawlmi nam kumkhen hun sung in buaina tuamtuam om thei zel ahih man in kiven hutna ding palik mi 5000 zang ding uh ahihi. Tui kibuah na liimsung ah puan kilaihna simloh adang inn dei nono te kikham khinzo ahihi. Molh tum, Tem, Suangtum cihbang leh Tui namsia, Tuikhal tui cih te akizat leh thukhun omsa bang in kimong mat phot ding cih thukhun bawl khin zo ahihi.

D. Boxer Aung Hla N Sang leh Mahmout Salama kitum baih ding

Kachin minam Kawlgam tualsuak US gammi Aung Hla N Sang leh Leitung ah aminthang Egypt khut tum tup siampa Mahmout Salama te, hong tung ding May kha 2-5 sung Philipine gam Maninala khuapi ah paa le paa, tal le tal kithong velvel ding in kiciamna la zo uh ahihi. Aung Hla N Sang pen Crazy team pan kuan khia ding a, Mahmout Salama pen Egpytian Top Team pan in kuan kia ding ahihi. Agih na uh kikim tuak uh a, 83.9 kg ahi tuak uh hi.

E. Zogam sung omte bek Zomi lo' Mun tuamtuam omte zong Zomi ki hita

Mongolia gampan ki lal suksuk Kawlgam lut suksuk zanglei ah kiteng suksuk a, gal leh sa lau in ataitai te ihihi. Zang gam leipan galtai ding kipat kikna camp khat kiphual sat na Yayu khua ah ki khawl khawm liliai te ihihi. Kham gam ah lutto ding galtai ding in mi khol a, tua lai pan in Kham gam lut to ihihi. Tua mun pen tuhun in Khampat , Kham kipatna kahto ding kipatna khua suak ahihi. Pianna pu min Zo kici asuan atute atate om na mun Zogam kici Zosuan tute tate Zomi i kici hi. Zogam pan a khang khia mi khempeuh in abawlsa na te Pu Zo min kitap aa, Zotu, Zohei, Zothau Zola, Zogam , Zoheisa cihbang in min akivawh nazat te in ganhing ahilo mihing te bawl nate leh vante hi ahih man in tua van bawl khia Zo min lawhna van nei mi eite minam in Zomi nam i kicihi. Tua man in Zogam sung omte bek Zomi kihi nawn lo in Leitung muntuamtuam ah zong Zomi i om khia ta hi.

F.Leitung ah alamdang mahmah Japan te Kanamara Matsuri pawipi

Japan gam ah April kha sung in Phuitong paak kipan in tua hunsung in leitung minam tuamtuam in aneih loh alamdang mahmah tonunzou khat nei uh ahihi. Tua Tonunzou pen Japan pau in Kanamara Matsuri cih ahihi. Hih pawi ( Tonunzou) hunsim in Pasal te van neih sunsun leitung mikhempeuh kipatna ci in lamdung ah lamziahziah uh a, Japan numei te bang in liim kilak pih ziahziah uh ahihi. Aliim tawh a munuam te ading in thu theihna peuh in youtube ah Kanamara Matsuri tawh hoihtak ki en thei miaumiau ahihi.

Hau Thang

 


Comments




Leave a Reply