WWW.TUNGZANGNEWS.COM

 
A. Kawlgam GDP manlang tak in khangto ding Ericsson genkhia


Kawlgam sung kizop na leh thu kizak na manlang semsem khangto semsem ding in muhkhiat na Ericsson company pan in theikhia ta ahihi. Adiak in gamsung GDP (Gross Domestic Product) zong kum sawtlo in khang khia to mahmah ding in muh kholhna nei uh ahihi. Gamsung mimal sep khiatna dinmun 1.5% pan in 1.9% ah khangto ding ahi cih Ericsson Myanmar Manager Mr. Jan Wassenius in gen khia ahihi.

 

B. Gunpi tung' meter150 asau khau za'ang khat tung ah' Denis Josselin

Piantit ( French) gam sung Seine gunpi tung ah meter 150 asau khau za'ang khat kikhung tungah 6 Apr 2014 ni in Mr Denis Josselin kici min neipa lampai ahihi. Mipi muh in Laulo, Hangsan na, Cihtakna kisam hi cih lah na in khau zui in lampai na lak khia ahihi. Leitung ah minthan na gual zawhna anei mite in ama hih na adiktaktak mun ah alaulo ahansan acitak mi te ahihi cihi.

 

C. Kawlmi te khutsiamna abawl vante amasa pen USA ah lah na kinei ding

Kawlmi nam te khutsiam na kum zalom 500 leh 800 kikal hunsung akibawl aluah suksuk uh khutsiam natawh bawl miliim te USA gam New York khuapi Metropolitan inn pi sungah 14 April - 27 July 2014 hun sung lahna nei ding uh ahihi. Tua ban ah kumzalom 700 leh 900 kikal hun a, khut siamna te zong lah na nei ding uh ahihi. Kawlte khutsiam natawh kum 21 hun ah kibawl liimte lak ah Zogam pan in Laipian Pau Cin Hau leh Pi Pha Man te, liim zong kihel hi a, Tedim khuapi Siangsawn veng ah kikoih ahihi.

 

D.Rwanda gam ah mi 800000 kithat na kum 20 cih phawkna kibawl

Africa Rwanda gam ah abeisa kum 20 hun lai in minam bei maimang sak na ding in namneu minam 800000 kithat ngei ahihi. Namneu na bei tuanlo in ki phawk na kibawl toto a, tu in kum 20 cingta ahihi. Rwanda gam Kigali khuapi Amahora Stadium ah pham sa te phawkna bawl uh a, UN Makaipi Ban Ki Moon kihel ahihi. 1994 kum in Rwanda kumpi vanleng tuahsia in kiat huhua leh asih na hang in Huutu minam te in ni zakhat hunsungin Tutsi minam te tulzagiat (800000) nam bei sak nopna in tualthat na nei ngei uh ahihi. Tual kithatna Phawk tawng tungna meivakpi bawl in Amahora tualpi ah ni 100 sung mei vak ding uh ahihi.

 

E.UWSA leh RCSS,SSA te kikap

Kawlgam sung singtang mualtung mi thau tawite lak ah apawl cing pen UWSA Wa galkap leh RCSS,SSA Shan galkap te kikap dih dih uh ahihi. Anih tuak un kumpi galkap te tawh kikap nawnloh ding thu ciam nei khin satuak uh ahihi. A kikap na ahang in Tanlwin gun paang Khamh khuk tawh na mun ah Wa te ki kemcing ding galhung galdal ding apai na mun pan in kisai tuah kha uh ahihi. Tua pan in ahunhun ki kidona om toto ahihi.

 

F. Leitungbup huam minam makai ding omlo

March 30 pan 10 April kawlgam sung mimal kisim na hun sung ah kumpi piak code nei khin sa alungkim Zomi sung ah them khat om ahihi. Tua te in Khuano code, Saizang code, Zo code, Siyin, Teizang code sung ahihi. Hi namke code tawh leitungah minam ki makaihna ahuamkhin zolo ahihi. Tua ban ah Khuano mi nam ni, Siyin minam ni, Saizang minam ni, Zo minam ni , Teizang minam ni cih dan ahuampi kimakiah na ding om theilo ahihi. Makai ding kuamah omlo ahihi. Zomi Nam Ni , Zomi Nampi huam ki makaih na tawh kipaipai zaw ahihi cih damdam in innlam om Papi thual teltei zawdiak te in thei tel panpan uh ahihi cihi.

 

Hau Thang

 


Comments

11/08/2016 09:22

resverd

Reply

I have never read about " Thuthak Tomkim king" but in this blog writer is sharing very interesting information related to him. He has shared some pictures of his army as well which is looking very active. But this content is written in hindi language so guys translate it into English to understand it easily.

Reply



Leave a Reply