WWW.TUNGZANGNEWS.COM

 
A. Census ah Hausa thuneih theihna omlo, Misimte thuneih theihna omlo

Census kisimna ah Hausa te genloh Kawlgam uk kumpi pa Tein Sein leh Sai Mauk Kham in zong aminam hih na tuak leh dotna 41 akimtak in dawnna nei khinzo uh a, March 1 ni in Kawlgambup misimna ah ihihna bangbang minam min gelh ding mai muakna nei khinzo ahihi. Tua man in thuneihnopna tawh tua nagelh loh pha mawh hi cih Kumpi pan in thuneih nazang in ki hanthawn tuan se lo ahihi. Misim ding te zong tua hikei ,hih' kisam kei cih mipi tung ah gen khia thei lo ding ahihi. Dotna 41 tawh kizui in agelh ding in kisawl ahihi. UNFPA huhna sum tawh Census nasep zia ding kisin sak in Sayinsit te nikhat Kyats 6000/- Ni 15x6000= 90000+ 20% omlai kepcing leh Sayin la te mikhat 5500X14=77000 + 20% omlai kep cing ahihi. Tuaban ah Sayinsit te misim hunsung nikhat Kyats 4000x12= 48000, leh Misim sayin la te mikhat teh Nikhat 3000x12= 36000 ahihi. Hihsum te in thudotna 41 teng sep na ding ahi a, athugen beh leh khiapsak na ding in cialna sum hilo ahihi. Census tawh kipawl Hausa pa in amau innkuan bek tawh kisai thu nei bek ahihi. Mipi tung ah Census vai in thuneih nading, kumpi thu pialo sumtawh lah kicial lo ahihi.

B. 1840 leh Census

Kawlgam Census hunsung in Ministry of Immigration and Population pan kial lap thukizak na 1840 tungtawn in mun khatkhat ah Damlo mibangzo taktak lo ( Mittaw Bengong, Lampai theilo, Pau theilo, Zun leh Ek dong in atheitheilo mi te) misim te in simsak lo cih thu om ahih man in 1840 ah ki report ziahziah ahihi. Tua ban ah Misim te in thunei te bang in kam pauna te kigen ziahziah ta ahihi. Theih ding thu ah MP ahi a, Myouk ahi a, Hausa hizong zong in mipi lunglausak, lin phawmna, a om leh hih Census hunsung 1840 ah kigen kiko thei ziahziah ta ahihi. Na gen ciang in amun leh ahun, Manggilh loh ding MIP in vai kha ahihi. Nasem te min nathei kei leh genkullo ding ahihi. Nasep na akhawk khawk in kikhen a, tua khawk ah tua teng in sem cih sayin kumpi nei zo ahihi.

C. KIA gam huam sung Census kisem thei nailo. Kisem lo thei

KIA khutnuai ah kihel Myo nee Kachin gamsung leh Shan gamsak lam teng tuni dong Census nasem te'n nasem theinailo ahihi. KIA lampan in agen na uh ah Kido hunsung akizang mun te ahih ban ah lauhuai in' tulaitak in zong UN sawltak palai Mr.Vijay Nambiar KIA/KIO gam huam sung ah aomlai tak zong ahihi cih pulak khia ahihi.

D. Kawlgam Thukhun puah ding vai athu kisawng saw lawii

Democracy kiukzia tawh kizui in mipi thudeihna ah 2008 Kawlgam kiukna thukhunpi bawl phat zia ding Pu Thein Sein, Pu Thura Shwe Maan leh Galkap mang Pu Min Aung Laing amau teng thum abeisa hun in asimtham in kiho khinzo ahihi kicihi. Tu in Pohmah 436 (ပုဒ္မ ၄၃၆) pen angeina bang in koih ding Tein sein leh Min Aung Laing kithu hualton uh a, Pu Thura Shwe Maan in ahih leh puahmasakpen ding ah amasa pen pohmah 436 hi ci ahih man in thukhun puah ding vai athu kisawng saw lawii ahihi.

E. NLD party U Win Tin zato lum , Aung San Suu Kyi in veh en vetlo

NLD party ah asiding hipet mah ta ahi U Win Tin damlo in Victoria Zato pi March 26 zuan in tua sung ah zato lum in om ahihi. Tu in kalkhat cing petmah ta a, tuni dongciang Daw Aung San Suu Kyi in En, Doun , Hopih nai vet lo ahihi. Tua man in NLD party khang no pawl khat in Daw Aung San Suu Kyi tung ah Dotna bawl khia dihdih uh ahihi.

F. Tedim Elder sung ah NLD Pu milui Pu Ngin Thang

Zomi nam min vai ah vaidin na tawh kipawl diksaklohna Tedim Elder Pu Ngin Thang in min kuihna om ahihi. Tua man in tu lai Zomi Khangno tampi in Pu Ngin Thang pen ameidawi pi ahihicihi. Banghiam cih leh 1990 kum kitelzawh galkap mang te in gam ukna thuneihna alak hunin Daw Aung San Suu Kyi vote tam penpen gilbeem ah khumcip hun in NLD tawpsan ahih man in NLD ah ma pang zo ngamlo pa ahihi kicihi. AungSan Suu Kyi leh Pu Chin Sian Thang, Min Ko Nai, Ko Ko Kyi , Kap Khan Khual te zah in minam ading ahangsan zolo ding NLD party makai ding leh Minam vai ah vai ding ding in Zomi khang no ten mu khia ahihi. Ataktak a lauhuai hun teh mipi nusia thei ding amei dawi ahihi kicihi.

Hau Thang

 


Comments




Leave a Reply