WWW.TUNGZANGNEWS.COM

 
Tulaai Leitung Thuthang Tuamtuam Updates April 12, 2014

·      Kachin gaalkaap KIA te leh Kawlgam gaalkaap te Bamaw huam Mansi kuamteng ah April 10 nipan tuni April 12, 2014 nidong kikaap ngeekngeek in Thaulian nangawn zangta uh ahihman in khuanu khuapa mi 1,000 vaal Inn le lo nusia in China gamlam ah gaaltaai uhhi. Thungetna ah phawkciat ni

·      Solar ImPulse-2  kici Sathau thunkuullo Ni tha zang a aleengthei Vanleeng kibawlkhiazota hi ciin Switzerland gamte in taangkokhia uhhi. Ongtungding May kha sung ah sinkawikawiding uha, 2015 ciang leitung kiimvial in leengkawikawi tading cih genbeh uhhi.

·       Kawlgam Nipydaw HighwAY pi tung ah April 12, 2014 zingsang nai 2 pawl in Bus khat leh Mawtaw neukhat kipuakha in meikuang ahihman in mi 12 sipah in mawtaw geel kaangtum a mi tampi liam uhhi.

·      2015 kumciang President a ut mahmah Upper House Speaker Tura U Swe Mann leh Chin President Xi Yinping te April 11,2014 ni in China gam Beijing khuapi kimukhawm uha, Mr Xi Yinping in China leh Asean akinaih theihnading in Kawlgam tawh khut kileending ci in kamciampia hi.

·      Nigeria gam saklam Borno state sung ah Boko Haram gamnuaimi te in April 10 nipan April 12, 2014 ni  sung khuasung teng bansim uh ahihman in mipi 135 si hi ci in Nigeria kumpi thuneite in pulaakkhia uhhi.

·      Ukraine gam nisuahna lam Kramatorsk khuapi sung ah Palik zumpi Russia gamtawh kigawmding adeih thautawi pawl in April 12, 2014 ni in buluh in sut leuleu uhhi. Hihtawh kisai in US Secretary of state John Kerry in Russia makaite hopih a, Vice President Joe Biden zong Kiev khuapi ah vazinding in taangkokhia hi.

·      India gam Chhattisgarh state sung Maoist migilo te in bomb nasiah uh ahihman in Ulian pawlkhat tuanna Bus 2 puakkham a mi 12 si in pawlkhat liam uhhi. India gamsung kiteel laaitak zong ahi a hih Maoist migilo ten kiteelna nawngkaaisakding cin ataangkosa uh zong ahihi.

·      Australia gam gaalkhat Solomon tuikulh tung ah 7.6 Magnitude  haat zin linna April 12, 2014 ni in oma hihmun ateengte Tsunami piangkhading ahihman kidawmding in thuneite in hilh khol uhhi.

Lungdam ei

Thang Khawm Pau Zomi 


-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply