WWW.TUNGZANGNEWS.COM

 
Tulaai Leitung Thuthang Tuamtuam Updates April 16, 2014

·      Kawlgam sung kawltuibuah pawisung Minam tuamtuam pan pankhopna ngeina lahna cihte kilak kawmkaal ah Yangon khuapi a om Zomi kipawlna a Tedim Association, ZOMUS, ZOLUS leh Siamsin te leh Makaaipi te hanciamna tawh Zopuan silh in Zomi te ngeina lahna Laam cihte valak uh ahihman in Mikheempeuh in Siamsa Lamdang sa ciat uha, Thukan Media te bang sapkuul zuatkuul vetlo in avek un Zomi te lam vive ah pai mang uh ahihman Yangon khuapi sung ah Zomi muinam in zeel zihziah ta hi. Tuaban a ngeina laam ah asiampeen hihna minphatna, pahtawina zong ngah uhhi. Tu a kipan in I Zopuan ngiat miten amuh uhciang ei le ei Ui,AK ikici phial zong in Zomi te aive ci in miten hongthei uh hita hi.

·      Tukum 2014 Kawl tuibuahpawipi peen kumdangtawh kibang ngiatlo mikheempeuh kisuakta kilawp ci in Mikheempeuh in genciat uha, Tuaban ah kumdangsang in mawhnabawl zukham Ann kham tawm mahmah ahihman tukum mawhnatawh kisai thunei mi 30 vaalbek omhi ci in Yangon nisuahna lam Palik zumte April 16, 2014 ni taangkokhia uhhi.

·      Tuzan a Thukin a ipulaaksa South Korea Tembawpi tawh kisai in atung a tuangzah khat le khat gendaan kibanglo ahihman in miphazah kithei naailo a 459 kiim ding in kilam en hi. Tua lak ah April 16, 2014 ni in ahing in mi 164 kihonkhia zo a, asisa in mi 6 kimu hi. Upmawhna hileh mi 300 kiim mangthang laai ahihi. Tembawpi peen South Korea gaalkaap ten tuipi pang ah kaaikhia uha, Tuipi ahihleh 43Degree vot ahihman in amangte zong hingnawnlo ding in lam en uhhi. Atamzaw peen Tembaw akibut ciang laulua in naleengkhia uh ahihman amang tampha deuh suak hi. US Tuilam Gaalkaap te Tembaw pi tawh mizong ding in kikhin didi ta uhhi.

·      Jihadist Website tung ah Alau huai mahmah Al Qaeda migilo te  Yemen gamah pawipi khaam in thu akikupna uh  Video thakkhat April 16, 2014 ni in kisuaksak hi. Tua sung ah Leitung a Al Qaeda lak ah azalian nihna ahi Nasir Al-Wuhayshi  in thugenna nei a US gam nasia tak a kidodo laaiding cih genlualua hi. US ten atheilo maw akitheihkheem mawhbawl maw banghang a meeting neih laaitak un Drone tawh kaaplo ci in mitampi tak in mawhsak uhhi.

·      Ukraine gam nisuahna lam Russia tawh kigawmding adeih thautawi te  banzial ding in Ukraine gaalkaapte April 15, 2014 ni  kipan uha, April 15, 2014 ni in  agaalkaap mawtaw uh 8 Russia deih thautawi te in Kramatorsk  khuapi ah  matcip sak hi. April 16, 2014 ni mah in Sloviansk khuapi ah Ukraine gaalkaap mawtaw 14 Russia deih thautawi ten matcip ding in umcih leuleu uhhi. Nisim phial thau gingging ta ahihman in NATO gaalkaap pawl zong Russia gamgi dung ah April 16, 2014 ni in kipei zialzial ta uhhi. Russia ten lah gaalkaaptha 40,000, Tank, Vanleeng akicingtawh neh hethet pianta uhhi.

·      Jordan gam sung ah Syria gampan thautawi tuamtuam luutluut ahihman in April 16, 2014 ni in gamgi akantan peuh kapding in khensatna nei uha, April 16, 2014 ni bekbek in gamgi akantan dawm Mawtaw 8 bang Gaalvaanleeng tawh kapzan uhhi.

·      India gam Karnataka state sung Davanagere  khuapi pan Bangalore khuapi lamzuan a  apai mi 29 apua Bus pi khat April 16, 2014 ni in a meitui um keh in tuapan meikaang a mi 6 si in mi 12 naakliam uhhi.

·      KIA leh Kawlgam gaalkaap te langnih kikapna khawlnaai deksuailo in nisim phial mah in kikap zeuhzeuh uhhi. UNFC makaai khat ahi U Khun Oh Ka in kawlgambup kilemna suaikaihna aomma in Kawlgam gaalkaap te in adeihnateng buluhsawm hi ci in April 16, 2014 ni in genkhia hi. Tuciang ciang ah KIA te gaalphualpi nih Kawl gaalkaap ten laksak uha, KIA ten Kawlgaalkaap tein Mawtawpi (7) puakkham sak in gaalkaap 100 vaal that khinta uhhi.  

Lungdam ei

Thang Khawm Pau Zomi 

--

Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593joseptpau@gmail.com, Thang.pau@perdue.com www.perdue.com , www.zomipau.wordpress.com
Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply