WWW.TUNGZANGNEWS.COM

 
Tulaai Leitung Thuthang Tuamtuam Updates April 24, 2014

·      Mandalay Vuanzi pipa April 19 ni a a inn katsakna hang in miginalo ci in Mandalay Palik te in April 24, 2014 ni in thukhenzum ah mawhpaihna piakding in puak uhhi.

·      Ongtungding May kha 11 niciang Asean makaaipi tetawh akimuding in Asean gamte pan nautaangmi 10 kiteelkhia a kawlgam ading in Karen minam ahi Dr Mary Suh kiteelkhia hi ci in Kawlgam Asean Forum Committee te in April 24, 2014 ni  in taangkokhia uhhi.

·      US Secretary of state nihna Mr Richard Stengel April 28 niciang Kawlgam ah ongngaihhawh ding a, Yangon khuapi ongtungding hi ci in State Department te in April 23,2014 ni in taangkokhia uhhi.

·      US President Obama Japan PM Shinzo Abe tawh April 23,2014 ni  Japan Zozu adawnkhop kawm un gamnih gaalbitna, sum le paai leh North Korea Nuclear vaai kikum khawm uhhi. Tuaban ah Japan tawh thukimna ombang in Japan gam ado kha aom naak leh Japan pan kipei pahziahziah ding Adiak in South China Sea sung a gam kituhna te ah zong Japan lam ah pangding ci in genkhia hi.

·      President Obama April 24, 2014 nitaaklam in South Korea gam tungphei ding ahihman in South Korea gam aomsung in North Korea te Leisung Nuclear thupi khat sin khading ci in mitampi in lam en ahihman in Van le Lei kikaal thukanten North Korea encik pah uh, Singkuang khawng khin lutlut sam uh in Nuclear sindan ding taktak mukei ung ci in pulaakkhia uhhi. South Korea khit ciang Malaysia, Philippine gamte ah khualzin zomto suakding a April 29 niciang Azi anglum zuankik tading hi.

·      Ukraine gam nisuahna lamteng ah Ukraine gaalkaap te in Russia deihmipi bannil khawlsawmlo ahihman Russia te in April 24, 2014 nipan Ukraine tawh gamgi dung ah Gaalkaap ten nasiatak in Exercise  bawlziahziah uhhi. April 23 ni in Russia Bomber Vanleeng pi nih in Dutch gamte huang NATO Vanleeng huangsung phalna omlo pi in luutsim ahihmna in Dutch Gaalvaanleeng nih in zandelh pah vingveng hi. Russia gamtat zia peeng gaalphuang nuam cih kimu ahihman in US ten zong Gaalkaap Russia meekkhop ding Poland gam ah April 23 ni in kilumlet sak ziahziah uhhi. Ukraine In-term Olexander Turchynov in Russia tekiang ah nagaalkaap te uh lakik un ci in anget laaitak ahihi. Angah keh bel apaipai hi ta ei leitung …

·      Afghanistan gam Kabul khuapi sung zato a hehpihna tawh zato naseem US gammi thumte thautawi pawlkhat in April 24, 2014 ni in bankaap ahihman si uha, adangnih zong liambeh hi ciin US kumpi te in taangkokhia uhhi.

·      Pakistan gam ah migilo te in Mipi leh Kumpi naseemte suamna tamtektek ahihman in April 24, 2014 ni in Nitumna Afghanistan gamgi dung Gaalvaanleeng tawh azial uhleh migilo 16 thatlum zo ci in kumpi thunei ten taangkokhia uhhi.

·      Syria gam Aleppo khuasung a om Vanzuak sungkhat April 24, 2014 ni Syria gaalvanleeng in banzial mawkmawk ahihman in bangmah theilo mipi 20 vaal si in tamsimsim liam uhhi.

·      President Obama April 27 niciang Malaysia gam ah Town Hall Meeting khat neiding a tuamun ah dotna dawnna abawlthei ding a gamkhat pan khangno mi 10 ta Asean gam 10 pan ngetna laaite kaai khawm hi. Kawlgam pan kiteelkhia khangno 10 te  Yangon pan April 25 ni paikhia ding uha, 29 ongtungkik ding uhhi. Zomi khangno khat zong kihelding cih zakiau ing aman tam maw ..

·      Malaysia Vanleeng mangvaai thukician leh atawpna amuhkhiat teng uh Dendeuh ciang Malaysia PM Najib in mipi tung ah taangkokhiading ci ei banglokhat kimukhiata hileh kilawm ee

Lungdam ei

Thang Khawm Pau Zomi 


-- 

Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply