WWW.TUNGZANGNEWS.COM

 
Tulaai Leitung Thuthang Tuamtuam Updates April 26, 2014

·      Kawlgam Sittwe khuapi nitumna lam pan tai 30 napawl tuipi tung ah April 22 ni in Tembaw neukhat kibung a mi 10 si in 30 mangthang laai ci n Rakhaing state thuneiten April 26, 2014 ni in thukante tung genkhia pan uhhi. amite atamzaw sapadeh te hi ci uhhi.

·      Rakhiang gam Suangkaang khuapi ah April 27, 2014 ni in Rakhaing minam kheempeuh I kimuhkhopna khawmpi bawlding uha, tua khawmpi ah akahding in kumpi naseemte akipan gamsung gampua a om Rakhaing makaai te kimtak in Suangkaang khuapi April 26, 2014 ni in tungkim khinta uhhi.

·      1966 kumpan amasa peen US President Obama Malaysia gam Subang gaalkaap vanleeng tual April 26, 2014 ni nikaai lam in tudiaidiai ta hi. Malaysia gam peen gamlian lualo ahihmah bang in mipi in kizakim kilawpkim tek mahmah ahih man in lamdung a giak khutdawh ngente nangawn ihmu theilo in lawpmahmah uhhi. Tuni taak ciang Malaysia kumpi Abdul Halim in Nasi Lemak leh Ayam goreng tawh ann neekpihding ci hi. Tuni gamnih sumzon sumzuak nading suaikaai ding uha, zing ah khangnote tawh thukikupna neiding ci uhhi.

·      Afghanistan gam kiteelna ah Foreign minister luui Dr Abdullah in World Bank economies a seemluui Mr Ashraf Ghani 44.9% tawh zo a Mr Ashraf ahih leh 31.5% ah om ahihman in Dr Abdullah in gualzawhna ngahtheiding in kilam en hi. Azo alel ongtungding May 14 niciang taangkokhia ding uhhi.

·      Ukraine gam nisuahna lam dungteng aom  Khuapi mu 12 te ah Russia deih thautawi te in kumpi innte abanban in suttoto laai uha, Ukraine gaalkaapten ahihthei zah un bengngiatngiat uhhi. Russia in Ukraine akhawlkei leh nuaiding ci in gamgi dung ah gaalkaap 10,000 koihta ci in April 26, 2014 ni in pulaakkhia uhhi.

·      April 16,2014 South Korea tuipi tung a kibung Tembawpi naseem mi 15 mipi donlo in amau angsung khual ahihman un kimankhin mang hi ci in South Korea thunei ten April 26, 2014 niin pulaakkhia uhhi. Hon khia in mankik cihdan hi. Misi 183 tawmkhin pan uha, 100 vaal mangthang laai hi.

Lungdam ei

Thang Khawm Pau Zomi 


-- 

Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply