WWW.TUNGZANGNEWS.COM

 
Tulaai Leitung Thuthang Tuamtuam Updates April 3, 2014

Zomi Census

Kawlpi khuasung ah Census nuamtak in kibawlthei a ZCC, ZYA te akipan Veng Hausa te ngiat in Zomi nadeih mahmah uh ahihman in buaina omvetlo in Gamdang omte hita leh Inn a omte hita leh eideih Zomi mintawh ongkhumsak ci in Kapa in onggen hi. Thu lamdang khat ahbel Census late inn aluutphet in thu amanbang in onggen un Vantung pan maan ongzaihkhin mang hi ung kikheem theilo cidep ci nong ee.

Zomi kheempeuh 914 ah Zomi ci in kigawmding ci in I otot laaitak Mikhut tung a guulmannuam cihbang in a awngawng bek ihihiam Kawlgam gampua a om Zomi 40,000 kiim ten ee I Inn tek ah imin pia in Zomi ah igelhsak hiam? Ken Gamdang kapai pih ka Sanggam 6 tetawh Zomi-914 ah guangsak khin ing. Igam a te hanthawn pong in eimin gelhding lau, guanglo pengnuam cihkhawng ihih mawk leh iminam veina Lengtong Kamkhen genmah bang in Huih,Veih hile ding hi. Ahun omlaai naho ciat un.

Zomi Census hunsung ah Zomi movement tawh kisai ongnawngkaaisak anengneng te amunmun ah min sazian leh taangthu abul abaal telkan  suulzuih in phingphial ding in Zomi khangno pawlkhat kiging sitset cih thu kiza hi.

Zolia---Zomi itmasa lopi a midang te leh Pasian khawng itlua ing cihpeen Huih,Veihkhu hilel a, Zomi bek it ci a midangte leh Pasian nangawn thupiitsaklohna leuleu Zatep khu bang ahihi. Tua ahih leh Pasian it ten kua itmasading a kua muhdah ding hiam???

Zotaang---Pasian ait mikheempeuh  amahpumpi itmasa in tuakhit ciang A U A Nau ,aminam, tuakhit ciang midangte it uhhi. Pasian in amuh theih a U a Nau aitlo mi in amuhtheih lo Pasian ka it banghang in citheiding ahihiam ci in Pasian it ing ci a Unau sanggam,Minam aitlo te Pasian in umzolo hi. Ahizong in muhdah ding kuamah omlo hi.

Athupi zaw khat omlaai………… Zomi sang Pasian thupi zaw cihbang ngaihsut na anei om mawk!!! Nga no khawi ding leh Tui koi deihzaw cihtawh kibang hin anih a akikhen thei ngeiloding thu ahihi. Akhen te peen Zomi itlo a Pasian bek atuam itsawm hin Pasian in zong umtuanlo hi.

Athupi zawlaai khat………….Zomi te peen Pasian thuphapiak,thupha ngah minam ahihman in nalangpan a, nasim mawh nini in nakaamsia in daupai lohna in ongsuul zuih lel khading cih phawk in.

·      USA gam Taxes state sung Ford Hood gaalkaap phualpi ah April 2,2014 ni in Gaalkaap lui kum 34 apha khuakdamlo khat in gaalkaap huangsung phialkaap ahihman in mi  3 si in 16 liam uhhi. Hih mun ah tutung a bek hilo in 2009 kum inzong hibang mah in khatvei omngeikhin a gaalkaap 13 si in 32 liam ngei hi.

·      USA gam Washington state OSo khuapi kiim a march 22 ni amencipna mun ah misi tuniciang 30 kimuta a adangzong tampi omlaaiding kizong saanlaai hi ci in mizong te in April 3, 2014 ni in taangkokhia uhhi.

·      Chile gam 8.2 Magnitude ahaat zin aliinzawh nai 24 sung April 2,2014 ni  in 7.6 ahaat zinlinna in nasiatak in nawkgawp leuleu a  mi 6 sileuleu in miteenna Inn 2,600 kisia hi ci in President Michelle Bachelet in genkhia hi.

Cipak zal ni ei

Thang Khawm Pau Zomi  

 


-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply