WWW.TUNGZANGNEWS.COM

 
Tulaai Leitung Thuthang Tuamtuam Updates April 6, 2014

·      Kawlgamsung Yangon khuapi a kipawl  Kawlgambup kilemnading tawh kisai laaikisam kaihkhopna pawi aninihna Yangon kilemna Innpi ah nuamtak zothei uhhi. Hih Khawmpi ngawngaw ah bel Kawlgam sung a Thautawi akici limlim teng kim cileeng kikhiallo maiding in upmawh huai hi.Mualtung mi thautawi kipawlna 20 vaal leh Adiak in O minam, Naga Minam leh Zomi te zong kihel uhhi. Naga Thautawi kipawlna  NSCN makaai U Kyaw Win Sein  April 6, 2014 ni in VOA ten thudotna abawlna  ah kawlgambup kilemna suaikaihna ah bel Naga ten suaikaai sam nung in adang thukikup tuamtuam nate bel lungluutvetkei ung ci in genkhia hi. Naga minam te peen 2008 thukhun tawh kituak in amau le amau ki-ukna angah minam khat ahihban a India gam ah Awn 2 Burma gam ah Saang 6 bangpha uhhi.

·      Leitung ah Meetang khia tampeenpeen gamding a ki ummawh India gamte kiteelpina April 6,2014 ni in kipan ziahziah ta a , Meetang khiatheiding mimal Awn 815 pha ahihman in kaal 5 sung sawtding hi ciin India kumpi te in taangkokhia uhhi.

·      Ukraine gam nisuahna lam aom ahi Luhansk khuapi leh Donetsk khuapi te ah Russia kumpi deih mipi pawlkhat in April 6, 2014 ni in Ukraine Dialkhai te heemkhia in Russia Dialkhaai asuankawm un kumpi zumteng Busim kawikawi uhhi. Hih bang thu apian theihnading in mipite Russia President Putin leh Ukraine kumpi luui Russia gam a gaaltaai Viktor te in sum le paaitawh huh in mipi hawlthawh hi ci in ngawh uhhi.

·      American Secretary of Defense Mr Chuck Hagel Asia gam khualzinna April 5,2014 ni in kipanta a April 6, 2014 ni in Japan Tokyo khuapi ah Japan Defense Minister Itsunori Onodera tawh kimukhawm a USA te in North Korea gamte kim le Paam lauphawnna daalnading in GaalTembawpite 2 asawtlo in Japan gam puaktading geelna nei hi ci in genkhia hi.

·      Leitung ah Mipi Diipngeek asukha mahmah Kumpino Prince George kha 8 aphapan mikmek New Zealand gam leh Australia gam ah kaal 3 sung Nu le Pa tawh khualzin kawikawiding in April 6, 2014 ni in New Zealand gam tungta uhhi. Australia gamsung ah  Sydney, the Blue Mountains, Queensland, Adelaide and Canberra khuate ah onghawh kawikawi ding ahihman Zomi ten na en un a Nu leh a Pa zong meelhoih mahmah uhhi.

Lungdam ei

Thang Khawm Pau Zomi 


-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply