WWW.TUNGZANGNEWS.COM

 
Tulaai Leitung Thuthang Tuamtuam Updates April 10, 2014

·      Kawlkumpi te in kilema ci in Sial ci tawh zolbang in alangkhat tawh ongzol in alangkhat ah thautawh ongngim veve laai a hihman in April 10, 2014 ni  Kachin  gam Mansi Township sung ah KIA leh Kawlte nasiatak kikaap uh a Mansi town ship sung aom Khua 11 pan mipite China gamlam ah azan azan in gaaltaai uhhi.

·      Pi Suu Kyi zong teekmahmah ta himah leh thahaat laaimahmah ahihman cidam in Germany vatung kheulel  a April 10, 2014 ni in President Joachim Gauck leh Prime Minister Angela Merkel tetawh kimukhawm uhhi.

·      President Obama zong Kawlgam kumpi vaaimuak zia nuamsa in zongsang simpian hiding hiam Nov 9-10,2014 Nyipidaw a kibawlding Asean Khawmpi ah akahkawm Kawlgam kumpite tawh kimuding ci in Taangkokhol keei uhhi. Kawlgam zin peen tai kisa simsim hiding um ing.

·      India gam Kiteelnapi daaitak in mee kikhiatoto thei a adiak in India gam a Party lian nih ahi Congress party leh BJP party te kisikim mahmah in kidemto hiamhiam pian uhhi. BJP party ten akum 10 asim hih Congress party te azawhsawm den zong hin kilam en mahmah uhhi. Prime Minister pan akhawl ahi Manmohan Singh in bel BJP in gualzawhna ngah in BJP makaai Narendra Modi ongkah ngeingei leh bel buaiding ci in genkhol hi. May 16 niciang azo alel ongtaangkokhia ta ding uhhi.

·      Australia gam Queen Island tuikulh tung ah April 10, 2014 Fridayzanlam ciang in Cyclone huihpi leh guahpi kithuah in nasiatak in nawkding a lauhuai mahmahding ahiman mipite kidop mahmahding in kumpi thuneiten zasak khol uhhi. Zomi bel omsam kenteh maw

·       Indonesia gam Parliament kiteelna zong kizomtoto laai a tulian in Kumpi langpang ahi Democratic Party of Struggle ( DPI-IP) thahaat mahmah zaw cih kimu ahihman in kumpi lam buaipian litlit ta uhhi. Hibang daan hileh July kha President kiteelciang apanmun uh khahsuak khading zong ahihi.

·      American Secretary of Defense Mr Chuck Hagel leh China Defense Minister Chang Wanquan tegeel in April 9,2014 ni Shanghai khuapi pan mipitung leh thukante tung ah dingkhawm hilhial sa in thupulaakkhiatna nei uha, US lampan Mr Chuk Hagel in China tuipi buaina tawh kisai in Kotawh akipawl gamte akisam bang in kapan pihding uhhi ci in gen a, China lampan leuleu hi China tuipi buaina tawh kisai in akuakua cih olnotak in kamang kilkel keiding uhhi cigiapgiap tuakmawk uhhi.

·      Malaysia Vanleeng mang I black box pan paikhia hiding a upmawh awging thak nih Vanleeng zongpawl in April 10, 2014 ni in zaakbek uh ahihman thangah mahmah uha, Tuipi sung pi 5,000 ah Tembawpi te sungluut ziahziah ta uhhi ci in Australia thuneite in pulaakkhia uhhi.

Lungdam ei

Thang Khawm Pau Zomi 


-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply