WWW.TUNGZANGNEWS.COM

 
Tulaai Leitung Thuthang Tuamtuam Updates April 28, 2014

·      ZomiTV International picing tak leh kumpi tung phalna ngah a, suakta tak leh taangzaitak khantawn kimangding geelna tawh ZomiTV tu in kumpi theihpihna kingah ta a, April 29,2014 niciang amunmun pan naseemding vaaihawm ding te kiteelna leh kalsuanziading thukikupna nasiatak kineiding cih ZomiTV tanute tungpan kiza hi.  ZomiTV tanu te genbehna ah tu in ZomiTV International te in akuul leh Kawlgam,White House te leh Leitung muntuamtuam  dong ah thuthak kaaikhawm theita a, naupang kimawlna daan hilo in Company daan in kipaita ding ci hi.

·      Zomi te iminding Ui maw Vok ci in ibuaibuai laaitak Chin State Khalkha khuapi sung ah University kumpi theihpih amau le amau a lamding in Committee khat dingkip khin uha, University minding peen Hakha University ci uhhi. 2015-16 Pilna sin kumsung in sang hongzoding in geelna kinei ci in Makaaikhat ahi Pu Jacob Thang in April 28, 2014 ni in genkhia hi.

·      President Obama leh Asean khangno 102 te April 27,2014 ni in Malaysia University sung ah nai khat leh alang sung kiho khopna nei uha, Khangno khat in kawlgam tawh kisai dotna abawl leh Mr Obama in Kawlgam ah minamtawm Muslim te nengniam a akibawlsiatlaai siah khangto ngeilo dinga, khat leh khat kideidanna aom laaisiah Kawlgam khangto ngeiloding cigeu hi.

·      Malaysia gam a mang Vanleeng Blufin-21 setmihing tawh azon uhhang bangmah muzolo uh ahihman in azonna mun uh khanding in Australia thuneite in April 28, 2014 ni in taangkokhia uhhi. Tun Kha 6-8 sung kaaiding a, Sum $60million beiding cimawh ei guai

·      US ah kumsi akinei den a angaihbaang meello Tornado huihpi in US gam alaaizangteng ahi Arkansas, Oklahoma, Nebraska, Missouri, Iowa cihteng April 27,2014 ni  in nawkgawp ahihman mi 17 si in Inn le Lo neihsa tampi tak sia mang hi. Amun a ten bel kumsim laivuan dan a aneih uh hi in koi mahzong taaikhia nuam tuanlo uhhi.

·      Russia gam in Ukraine gam tung agamtatzia lungkimloh lahna in USA te in Russia President Vladimir Putin tawh akinaai mihau 7 te neihsa Company 17 te kikhakcip hi ci in  April 28, 2014 ni in taangkokhia uhhi.

Lungdam ei

Thang Khawm Pau Zomi 


-- 

Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.com,Thang.pau@perdue.com
www.perdue.com ,www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply