WWW.TUNGZANGNEWS.COM

 

Khuado kumkhen Ni 1 2014 ciangaa kipan ding sumkum thak FY 2015 (begins October 1, 2014) sungin gambeel bangzah tualtangsakkik ding, koi gamte panin gambeel lading ihhiam cih mipi ciakna a ngaihsak laitak uhhi.


Na veng leh paam khuapih tualtangsa gambeel tawh kisai ciakna/ teecii panna naneih leh hih Anne C. Richard, Asst. Secretary of State for PRM tungzah lai kikhak thei gige cihi.

Gammi pawlkhat inbel gambeel sapbeh nawnloh nading nasia tak in ngen ding uhhi. US gamah gambeel aa tung, mipi siahsum tawh vanleng sap piaksak, neek le dawn kivaal, kisap na dungzui in sangvai, zato cidam na vai tuamtuam ah sumtampi kizeek hi.

Hihbang kawmkal ah pawlkhat in food stamp zuaksim, zukham, tate hoihtak pantah nuamlo, nupa kikal thubuai tuamtuam piangsak in US kumpi thukhen zum in kamphen cialna tawh sumtampi zeek. Hih thute ngaihsut huai hi. (2008 kum in Salk Lake city, Utah ah Rohingya tangval kum 17 khatin Karen numei kum 8 khat buan in thatlum, tua thutawh kisai thukhen zumsap, kamphen cialman $ awn 3 valbangbei khin ci)

Tua ahihman in US kumpi leh siahsum pia tangpi in, Malaysia, Thailand leh India aa omkhinsa Kawlgam Zomi gambeel tampi hongsap beh nading un Leitungbup aa om Zomi a kuamaciat in antang thunget na tawh lungdam ko in pangkhawm ni.

Khat veivei bel, siahsum pia gammi khat aa dingin thadah huai thei mah dinghi, ei Zomi gambel te in ih dinmun mangngilh kha kei ni. Psalm 137 lungngai in mi khua mi gam ah ki it ciat ni.

Mipi lungsim/ ciakna hong update zeel ning .

ZH

 


Comments




Leave a Reply