WWW.TUNGZANGNEWS.COM

 
Abeisa hunkhat lai-in Malaysia gam sungah minam le biakna vai in buaina lianpi om a, tua huhau in Zomite hong suk khak loh nadingin "Zomi Emergency Team" ci-in Malaysia gam sunga om Zomite' mapan khopna "Emergency Committee" khat kiphuan hi. Tua vaibuai hong ven ciangin Zomibup kipawlna kician ZAM om khin ahih ziak in ZET in tawlngak san hi.

ZAM pen Zomi khempeuh huam a gamtang minam kipawlna ahih manin, ZAM lotawh na khatpeuh sep ding ZET in hamsa kisa mahmah hi. Tua bek thamloh ZAM ah palaite pen mipi' deihna tawh kitel mipil vive ahih manin ZAM mai ah diang dingin ZET pen kingam mahmah lo hi. Tua ahih manin, ZET nasepna khempeuh ah ZAM thukim pihna aom nading deihna tawh ZAM advice nuai ah ZET agamtang ahihna mipi in hong theihpih le uteh cih kong theisak uhhi.

 

ZET Project:

Abeisa khakhat hunlai pawl in, luangvai in tat khiat ding Zomi pasalto khat hong om mawk a, Communities leh Khua kipawlna ten mawhpuak alak zawhloh uh ciangin, ZET in vai ombang mawhpuak kila in, luangkhat kitan khia hi. Tuni inzong Zomi khat RM. 4,000 tawh ZET in Zomi khat kitankhia hi, Amah pen TV game ah nasem hi a, tuma kha 3 lai in anasepna TV Game panin RM. 4,500 tawh taisim in, tuni in CID ten Johor State, Batu Pahat ansai khat ah mu uh ahih manin, TV game Boss pa' thukimna tawh thah ding bek in koih uh a, ZET in sumbei kisi phot hi.

 

ZET pen Malaysia gamsung Zomite' haksat luatna, alo-theilo munte ah mapang kipawlna ahih zawh nadingin ki hanciam hi. ZET pen GZA le WZC tawh nakpitak in mapang khawm dinghi. GZA panin Prof. Dr. C. Thang Za Tuan (Convenor of Education Committee, GZA) zong Malaysia ah sap dingin kigel hi. GZA kipawlna khempeuh tangmi dingin kingaihsun pah dinga, asawtlo "Khuado Pawi or 2015 Zomi Nam Ni" khat zawzaw ah Malaysia hong pai a, ZET tawh maitang kituah a thu kikupna neih ding ZET in hanciam in vaihawmna kinei ahih manin, thungetna ah hong phawk un. GZA panin pilna kipat tahna lamah ZET in "full support" kipia nuam mahmah hi. Minam zepna dingin pilna lotawh mual kisuak zolo hi.

 

WZC pen Kawlgam sunga Zomite' makaih Zomi le Zogam honghu dinga ZIA makaipite ahih manin ZET in WZC pen full support kipia dinghi. Banghang hiam cihleh minam khat ihih nak leh minam hongcing-hongkem dingin "Security" galkap kisam ahih manin, WZC pan nasepna pen ZIA ading full support hilian ahih manin, WZC le ZET pen 100% in mapang khawm dinghi. Minam sungah haksatna khat peuh hongtun ciangin galkap kikaih khop daldal phingphing pen hong zekai ding ahih manin, WZC vaihawmna "Zosuan Tuailai Fund" ah ZET zong mapang dinghi.

 

ZET Fundraise:

Mimal tungah nget ding haksa kisa hih manin, ZET Board Member & ZET Faculty Member teng tungah RM. 1,000 tak kidong dinga, tuateng tawh "Financial Service" nasetak in kibawl dinghi. Financial pen Malaysia gamsung teng mah ah kibawl dinga, mikim septheih ansai bawlna in kizang dinghi. 2015 kum sungin ZET in ansai 5 peuhmah neihzawh dingin gelna kinei a, sumlut "income" pen 10% ZAM ah kipia dinga, 10% pen GZA ah kipia dinghi. 10% pen ZIA (Under WZC) ah kipuak dinghi. Kumsim in "Financial Service & Income" hong khantoh semsem nadingin kihanciam dinghi.

 

ZET Board meber te leh Faculty member teng pen khamtheih le guihtheih zanglo hihamtang dinghi. Kha 6 hal in, mi 30 ta kila dinghi. Numei zong kisam dinga, pasal zong kisam dinghi. ZAM ah full member hidinga, ZET ah hunbit a nasemzo mi hiding hi. Nupa zong kingah a, nungak/tangval zong kingah hi. Akisap leh ZIA ah zong galkap dingin akipia ngam mi hiding hi. Khasum pen RM. 900 (Anvak, omna pia) tawh kipan dinga, "Service & Skillness" zui-in kikhan toto dinghi. ZET Manangement leh Administration ah mapang nuamte pen Secular ah Bachelor/Master Level bek kisang dinghi.


ZET Info

 


Comments




Leave a Reply