WWW.TUNGZANGNEWS.COM

 
Zovontawi fund bang hang kisam hiam?

Zogam leitang suahtak kik nading a, mapang Zomi Salpha Zovontawi te kisap lum leh tei akipan anek adawn ding te panpih nading a hihi..

Zogam bang hang suahtakna kisam ih hiam?

Leitung piancil akipan namdang te khut nuai ah, aom ngei giat lo, Zogam Zomi te, ei leh ei ukpi tawh aki uk te ih hihi.

 

Mikang gamkek te hong Lal ciang in,leitungbup ado khin uh a,a tawpna ah Zogam hong sim uh hi. Zogam leitang hutna in Zogam Salpha ih Pu te,tampi tak in, sisan luang in nuntakna napiakhia uh hi. Galvan kikim hi leh hong zo loding uh hi.

 

Kawlgam pansan in gamkek mikang te zawh na Zogam leh India gam pansan gamkek mikang te zawh na Zogam ci-in,Ih Zogam leitang sam gibang ki khenkham ih hihi.

 

Gal pi nihna hong veng tak leh minam leh gam anei te in, suahtak theihna lampi hong kihon ciang in, kawlte in amau bek pai in suahtakna va ngen uh a, mikang kumpi England te in, na gam koi teng hiam acih ciang in,tulai ih Kawlgam buppi gam lim na lak uh hi. Tua gam lim sung ah kawlte uksa ahilo, minam leh gam atuam vilvel anei Zomi gam,Kachin gam,Shan gam leh Kayan gam te ahihi. Hih gam te pen kawl kumpi akhangkhang hun a a zawh loh gam te ahihi.

 

England kumpi in, hih minam leh gam te Kawlgam hilo uh a, amau thukim na aom kei leh suahtakna kong pia khawm thei keiding uh hi ci ahihman in, kawl mangpi Aungsan ciahkik hi.

 

Aungsan zong hong buai mahmah ta a, Zomi ,Kachin leh Shan te hong hel ta hi. Tua hun in,mikang kumpi in Zogam hong uk lai a, Zomi ukpi makai te in,amau leh amau kiuk nuam mahmah ta ahihman in,suahtakna na lungngulh mahmah uh hi. Tua kawm kal ah kawl mang Aungsan in, thuneihna pawlkhat hong pia ning ci ahihman in ,Shan gam Panglong khuapi ah, Zomi makai te, Shan makai te, Kachin makai te ni thumsung ki kumkum uh a, Fed 12, 1947 ni in, Panglong thukim a lai pi ah suai na kai uh hi.

 

http://en.wikipedia.org/wiki/Panglong_Agreement

 

Tua Panglong thukim na lai pi tawh, Aungsan England gam pai kik a, Kawlgam in Jan 04, 1948 kum in suahtak na kigah theipan ahihi.

 

Kawlgam suahtak nading in, Panglong thukim na thupi pen a, Tua thukim na sung ah, ei leh ei kiuk in, thu ki vaihawm in,kawl te tawh liangko kikim in, ki bel pawlding cih ciang bek ahihi. Bel pawl Kawlgam suahtakna ih ngah tung in,gam dialkhai (flag ) pen Aksi pi khat Aksi nga in umcih ahihi. Tua a deihna in,Zogam, Kachin gam,Shan gam,Kayan gam leh Kawl gam hiteng ahihi. Tuateng kigawm gam khat cihna in alai ah Aksi pi khat kikoih hi.

 

https://www.google.com/search?q=burma+flag&source=lnms&tbm=isch&sa=X&ei=B7tMU-HFB-Sd2QXpsIHgCQ&ved=0CAYQ_AUoAQ&biw=768&bih=928#imgrc=xpmZ6o91r11-WM%253A%3B9ueYmG8Vw9_DtM%3Bhttp%253A%252F%252Fupload.wikimedia.org%252Fwikipedia%252Fcommons%252Fthumb%252F1%252F16%252FFlag_of_Burma_(1948-1974).svg%252F900px-Flag_of_Burma_(1948-1974).svg.png%3Bhttp%253A%252F%252Fen.wikipedia.org%252Fwiki%252FFlag_of_Burma%3B900%3B500

 

Tua suahtakna ih ngah zawh ciang in, President masa Sao Shwe Thaih, Shan minam ahihi. Tua zom ah Zomi te leh Kachin te aban in kipai ding a, Tua khit teh kawl te hipan ding ahihi.

 

U Nu hong kah ciang in,Kawlgam bup biak na Buddha suak ding ci ahihman in Kachin te keng sa in gam sung hongzuan uh hi. Tua hun in Zomi galkap te Pegu khua ngei ah,Kawlgam thaupi te Len uh hi.Gal do zong Siam mahmah uh a, Panglong thu kimna a omlo, Karen minam te in Kawlgam bup ukcip sawm miaumawk ahihman in,kawl galkap te na zo gawp uh a ,ci mawh mahmah uh ahihman in,Zomi galkap te tung ah huhna hongnget ciang in, ki huh pah a dek te ki nuai cip sukpah hi.

 

Zomi te mailam ding hong khaktan ding kawl uiphuk mangpi U Ni Win hong kah ciang in, state 7 leh division 7 tawh hong khenkham sukpah a, kawlzanglei kici khempeuh Division in Koih in, Mual kici khempeuh state ah hong koih suk hi.

 

State te thuneihna te lakkhiat sak in, galkap thu tawh na khempeuh hong toknawi cip ta hi. Zo gun sak siah Zogam kim lai, tai kua dek cin gi hong khung in,Zogam khuapi kawlpi a om, Khalkha khua ta ah hong tuahtoh sak hi.

 

Feb 20 1947 kum a mipi 4000 val thu kimna Zomi Nam Ni zong state ni in hong laih sak sawm ta zen lai hi. Zomi galkap lian khempeuh abanban nusia cip in, a om sun lai te zong a zaa khang sak nawnlo uh hi.

 

Zogam ah Zolai sin ding hong khak uh a, kawl milim biakna thahat nading in tangah lubawk teng lutolsak in hong khenzan sawm uh hi. Zomi mi pil om sun te gam sung om saklo in, gam pua ah hong koih cip ta uh hi. Zomi te in ih gam ih lei ah thuneihna cin them cia zong kinei theilo in hong koih ta zen uh hi.Zogam leitang pupa luahsa leitang nangawn khut pek cia zong neih na kinei theilo in hong koih hi. Zomi te ih biakna ahi christian upna tawh kisai singlamteh mualsang tung ah ih phuhte long khia phuk khia in, kawl milim tattong te hong lam to ta zen uh hi.

 

Ih Zogam leitang hong zun hong puah cih tha dah,ih gam sung a leisung sum piang ih neih sun Gullu Mual nangawn Sen te tawh ei theih loh kal hong sehsat San khin uh hi. Mikang kumpi hun a Tedim lampi zong angei mah bang lai hi.

 

Zogam sung a om Zomi te ih awkaih tawh hong khensuk in,hong baalzan lai hi. Biak inn thak lamding zong hong phal lo uh a, Zomi te ki vui na Han teng zong to zan in, susia dikdek uh hi.

 

Zogam pen leitung ah azawng pen gam ciang hong tunsuk pih uh hi. Hih kawl te hong bawlna hang in, an duh gilkial in ih om a, muh bangbang lampi zong in mi gam mi lei ah sila bang in khua ul sisan luang in na ih sem hi. Ih thu sim kholloh sanggam Mizo te gam dang ah sum thalawh in pai om nailo sam uh hi.

 

Zomi te'n hamsatna ih tuahciang in thum in tau in,ih kiko nate Pasian ih hongza in hong hehpih ahihman in gam thum nate ah pilna sin ding,sum leh pai zong ding leh tulpaan kai khin Tunnu Zogam azuun apuah kikding in,hong puak ahihi.

 

Kumpi kician gam ah minam thautawi kisam masa khollo a, A hi zong in zuau khem, mithat ,gong tat, angsung thei, dawi milim bia te khut sung pan ih suahtak nading in Zogam galkap ih kisam hi. Minam leh gam akem cingding ahihman in,kisap na tam mahmah hi.Zogam galkap ihneihloh man in' na inn tual ah na Vok khawisa hong ki matsak khin hi. Na tanu melhoih teng namdang te'n ciamnuihna in hong zat sak khin hi.

 

Zogam ading in na thalawh sa sum pan Kha sim in, $ 10 bek hong kingen ahihi. Kumkhat in $ 120 hi a, Ni khat in, $ 00.33 cent bek ahihi. Food stamp ne in , beer dawn in, Zu lim pen te dawn in, Mortor hoih pen te na tuantuan na awt awt kaal in, namdang te'n na inn khumzang pan zun hong pek suk ta uh hi.

 

Zomi te a ki Christian sak mahmah te ih hi a, na pianpih na minam, na tenna na Zogam it lo, zuun lo in,Pasian aw hong it ing ih cihcih hang khiatna nei lo hi.

 

Zomi te tang thu ah gal ih lei ngei kei hi. Zogam ah nek leh dawn ding hamsa mahmah ahihman in, Zogam sung aom, mipi te tung ah peek khatzong ki genlo ding ahihi. Zogam galkap te thau tawi ding tampi tak ih kisam hi.

 

Galvan pen Shan gam leh Thaigam gi teng ah kiman a, Zogam hong tun ciang tampi man hi.

 

AK 47, 56 cih te 100000- 150000 Rs ( $ 2000 )
M 16 150000 - 200000 Rs. ( $ 2500 - 3000 )
M 18 lauhcher 200000-300000 ($ 3000-3500 )
G 3. $ 2500
G 4 stand gun $ 3000-4000

 

Thau tang pen gam nuai pau in, Lensiam kici hi.
Lensiam tang khat 70 Rs ( $ 2.00) bang man hi.
Zogam pan galvan ih lei pen leitung galvan kizuak na te khempeuh ah a tamman pen mun hi sawnsawn hi.

 

Gam thumna atung khin Zogam Zomi a it nasep nei khempeuh in, a khua khua ah WZC te palai hong koih Zovontawi fund piak na ding Pu te Pi te kiang ah, na minam itna veina te na puak ciat ta un...

 

WZC makai leh na sem te zong ZRO/ZRA ah kum tampi experience neisa vive uh ahihman muanhuai thei mahmah hi.. Theihbehnop tello deuh aom lai leh hong contact un. Lungduai tak in na pian thak dong kong genpih ding a, minam leh gam ading kong tuiphum pah ding hi..

 

Na Zovontawi fund piak a zee kai leh, Zogam suahtak niding ni khat a zee kai cih mangngilh ken maw sanggam...

Tg. Zogam Mungno


--
Tg. Zogam Mungno

1500 Bryant Way # A 5
Bowling Green, KY, 42103
615 354 2008

 


Comments




Leave a Reply