WWW.TUNGZANGNEWS.COM

 

US gamsungah a masa pen mihing pan mihing kilawh, MERS( Nisuah Laihawl Huu tawh Kilawh Dammawhna) cih min kivawh natnathak pen tua natna lungno puakhin Saudi Arabia pan hongpai mikhat tawh khutkilen Illinois sumbawlkhat tungah kilawh sawnkhin hi. Federal cidamna thuneipawl genna ah,  damlo #1 tawh sumbawl vai  khut ki bansah napan in hih Illinois sumbawl patungah kilawhsawn hi cihi. 
 Hih Illinois damlo thakpeen cidamna nasem mikiva( health professional) khat hi, S Arabia ah MERS dammawhte va ending aa pai hongciah ciangin natna lungno hongkeng ci uhhi. 
S Arabia khuapi Jeddah pan vanleng tawh Longdon, Boston, Atlanta leh Orlando Florida hongtungphei hi aa, S Arabia pan Orlando kikal khuazin na ah midang 500 tawh kisawhkha khin ci uhhi. Hih thu in kilawhbaih natnathak vai ah lunghihmawhna lianpi hongpiangsak hi. 
Muanmawna sangin awlnozaw takin kilawh thei ahihman in, cidamna thuneipawl ki lunghimawh mahmah cihi. Illinois damlo pazongh a masa in natmeel hetlo himah leh a nungciangin natmeel hongkeng kikphing ahi. 
Natna kilawhzia khat le khat kibanglo hi, Illinois dammawh pazongh a inn ah kamtuam tawh ki omsak in innkuanpih tawh kisawhkha saklo uhhi. 
Hih Illinois dammawh pa tawh kisawhkha innkuanpih sanggam meeltheih leh vanleng tuanpih US State 39 pan mi 500 teng cidamna thunei pawl in a suulzuihsan laitak uh ahihi.  
Sittelna zawhciang in US ah mibangzah natna kilawh khin hiamcih kitelcian panding ahihi. 
US ah khuakhal khualzin hun kipanpan ahihman in thunei te lunghihmawhna lian semsem hi.
Hih natna kipatna Saudi Arabia ah kumkhat in biakna pawisiim ding mi awnkhat pan awnnih kikaal kipai den ahihman in cidamna thunei pawl patau gige uh ahihi. 
Camel tungpan kipan in kilawhsawn dingaa upmawh ahi hih natna thak MERS in tuciangciang Nisuah Laihawllam (Middle East) ah 160 valthat khin hi. 

​Thu kicingzaw hong update ciat un.​





ZH

 


Comments




Leave a Reply