WWW.TUNGZANGNEWS.COM

 
Dear Zomipih te,

Brisbane, Australia a om Mr. Suan Muan Thang PhD in amanlah mahmah kawmkalpan 08.04.2013 Monday in Master of Social Work lukhunelkai hong la thei aih man in lungdampih na hong puak zo pan ing.


Hiah a nuai ah attach file tawh a certificate ki en thei hi. A hang pen lai leh man(photo) bek tawh I gelh ciang sandan ki bang lo thei zel a hih man hi zaw hi. Ei Zomite bel a gualzo khat peuh I om ciang lungdampih I om bang in,.................thei hi.

A man pen Philipine Laisiangtho sang pan in PhD man sa hi a, Australia a tun zawh kum 7 khawng pha ta a, tanu 2 nei hi. A Zi pen Soney Baigent Astralia a piang England suan khat a hih hang in a ki Zomisak mahmah khat hi.

A ma nasep ka theih khak pawl khat in:-
Queensland University of Technology ah Assistant Researcher hi in, a diakdiak in Cidamna, Human Right leh Politic lam research bawl in, University leh ki pawlna tuamtuam khawng ah thugen ding ki cial zel hi.



Princess Alexander Hospital ah Mental Health(Khuak cidam) na lam ah zong Counsellor sem in a ma hang in lungsim cidam lo, Khuak dam lo mi tampitakte'n dam na hong ngah uh aih man in Pasian nasepna lianpi khat mah in ngaih sut ing.



Hih a nuai a teng pen sum ngah lo in a sem teng hi.
External Advisor on Burma Human Right ( Amnesty International)



External Advisor on Burma Affairs ( United Nations Association Australia)


Kawlgam kalsuanzia, dinmunte Australia kumpi tung a advice ding in kawlgammi mi 4 a omna sung ah a mah zong a ki hel hi. Nung lam hun beisa sung teng Australia ah Boat tawh hong lutsimte zong interview a va bawl ding in Australia kumpi in sumtampi tawh na cial ngei hi.

Emmanuel Church Brisbane ah zong Pastor Sem hi. Tu laitak Emmanuel pawl Inn 18, mimal in 74 ki pha pan a, Aih zong in Ei Zomi sung Mission khauhtak in sep theih nang in Australia kumpi tawh ki pawl in foundation a ki lamlam laitak hi.

Membership a lutna pawl khat:-
Australian Counsellor Association
Australia Social Work Association
Australian Christian Lobby



Hih Australian Christian Lobby sungah a sem uh bulpi in, kumpi nasepna, vaihawmna sung ah Pasian thu, Lai Siangtho tawh ki tuak lo te update bawl to zel in report nei den uh hi. Gentehna : A diakdiak in Numei leh Numei, Pasal leh Pasal ki teng/ Nau bawlsiat, Namneu te simmawh, Tapidaw bawlsia ci bang khawng a om ciang in kumpi tung a hoih loh na/ Lai Siangtho tawh a ki tuah lo na va gen zel uh hi.



Hih bang in ei Zomi khat Mikang te cidamna ding leh thudot in i neih khak pen ka angtang mahmah a, Zomite Pasian in honglamto mahmah cih ka phawk thak mahmah ka hih man in angtang mahmah ing


Lungdam

Pa Khaitawng
Brisbane

 


Comments




Leave a Reply